Pastiçe me kima në tigan
Përbërësit:
- 400 gr mish i grirë
- 1 qepë
- 1 karrotë
- 2 thelpinj hudhër
- 1 lç pelte domate
- 200 gr domate
- 1/2 tufë majdanoz
- 250 gr makarona
- 2 kokrra vezë
- 150 gr djathë të grirë
- Krem djathi ose 500 gr kos
- Gjalpë
- Arrë moskat
- Kripë, piper
Përgatitja:
Kaurdisim me pak gjalpë qepën dhe karrotën e grirë imët. Më pas shtojmë hudhrat e shtypura, mishin e grirë, salcën e domates, kripë, piper, arrë moskat dhe pak sheqer për neutralizimin e aciditetit të domates. Pasi e kemi kaurdisur mirë kimën shtojmë ujin dhe makaronat dhe i lëmë të ziejnë për 8 minuta derisa të përthithen lëngjet. Shtojmë dhe majdanozin e grirë imët. Në një tas përziejmë kremin e djathit ose kosin me djathin e grirë, vezët, piper dhe arrë moskat. E shtojmë kremin sipër makaronave dhe e vendosim në furrë në 200 gradë në grill.
