Pastiçe fshati me perime dhe sallam crudo
Përbërësit:
- 1 pako makarona
- 300 gr djathë
- 3 gota qumësht
- 3-4 vezë
- 1 lgj niseshte
- 1 lgj gjalpë
- 2 lgj vaj ulliri
- 1 kungull
- 1 karrotë
- 2 speca (jeshil dhe i kuq)
- Sallam Crudo Hungarez FIX
- Kripë, piper i zi
Përgatitja:
Vendosim makaronat të ziejnë për rreth 5 minuta në ujë me kripë. Ndërkohë tresim niseshten në qumësht e trazojmë mirë, më pas shtojmë vezët duke vazhduar trazimin. Vendosim një tenxhere në zjarr me pak gjalpë dhe sapo gjalpi të fillojë të shkrijë shtojmë qumështin me niseshte dhe vezë. E trazojmë vazhdimisht me tel dore derisa masa të bëhet kremoze.
Makaronat e zjera i vendosim në një tas ku i përziejmë me pak vaj ulliri, djathin e thërrmuar, sallamin e prerë në feta dhe perimet në kubikë. I kalojmë makaronat në një tavë dhe sipër tyre hedhim kremin e qumështit. Sipas dëshirës mund t’a spërkasim me pak djathë, e vendosim pastiçen në furrë të nxehtë në 180 gradë Celsius për 30 minuta.
