Patëllxhanë të mbushur me gjizë
Përbërësit:
- 1 kg patëllxhanë
- 200 gr gjizë
- 1 lgj gjalpë
- 2 lgj vaj ulliri
- 2 vezë
- 2 thelpinj hudhër
- 1 lgj miell gruri
- Kripë, piper
Përgatitja:
Pastrojmë lëkurën e patëllxhanëve një po një jo. I lëmë në ujë me kripë dhe më pas i vendosim në furrë që të zbuten pak.
Në një enë bashkojmë vezët e rrahura me vajin, kripën, gjizën, miellin dhe hudhrat e shtypura. Bëjmë një prerje në mes të patëllxhanit, e sheshojmë tulin dhe vendosim harxhin. I rivendosim në furrë për pak minuta në 180 gradë.
