Patëllxhanë të skuqur me salcë kosi

Përbërësit:

• 2 patëllxhanë të gjerë
• Miell
• Galetë
• Kripë
• Piper i kuq
• Piper i zi
• Turmerik
• Vaj për skuqje

Për salcën:

• Kos
• Majonezë
• Hudhër
• Spec i kuq
• Arra të shtypura
• Kripë, piper

Përgatitja:

Presim patëllxhanët përgjysmë. Gjysmat i presim horizontalisht, por jo deri në fund nga skaji i bishtit. I vendosim në ujë të ftohtë dhe më pas i kalojmë në ujë të zier për 10 minuta. I thajmë dhe i kalojmë në miellin që kemi përzier me galetën dhe erëzat. I skuqim në vaj të nxehtë dhe i shoqërojmë me një salcë të përgatitur me kos, majonezë, kripë, hudhër, spec të kuq dhe arra të shtypura.