Petulla me qumësht
Përbërësit:
- 2 vezë
- 30 gr sheqer
- 100 ml qumësht
- 1 lç ekstrakt vanilje
- 100 gr miell
- 1/2 lç pluhur pjekës
- 1 majë kripë
- 1 lç lëng limoni / uthull e bardhë
- Vaj ose gjalpë për lyerjen e tiganit
Përgatitja:
Në një tas rrahim të verdhat e vezëve me sheqerin derisa të bëhen kremoze. Shtojmë qumështin dhe ekstraktin e vaniljes dhe i trazojmë mirë. Përziejmë miellin, pluhurin pjekës dhe kripën dhe e shtojmë gradualisht te masa e vezëve. E përziejmë derisa të formohet një masë homogjene. Në një tas të pastër rrahim të bardhat e vezëve me lëngun e limonit ose uthullën derisa të formohet marengë e fortë. Shtojmë të bardhat e rrahura te masa e parë në 2-3 pjesë, duke i përzier me kujdes me një spatul, me lëvizje nga poshtë-lart për të ruajtur ajrin në brumë. Ngrohim një tigan me fund të trashë në zjarr të ulët dhe e lyejmë lehtë me vaj ose gjalpë. Me një garuzhde hedhim masa në formë rrethore, duke bërë shtresa të trasha. Brumin e petullave mund edhe ta hapim dhe ta presim në forma sipas dëshirës. Mbulojmë tiganin me kapak dhe i lëmë petullat të piqen për 4-5 minuta. I kthejmë me kujdes dhe i pjekim edhe 3-4 minuta nga ana tjetër. Petullat i servirim sipas dëshirës me reçel ose me djathë.
