Pispili me presh
Përbërësit:
- 3 presh
- 500 gr miell misri
- 350 ml ujë i ngrohtë
- 1 lç sodë
- 2 fç kos
- 3 kokrra vezë
- 1 tufë majdanoz
- Vaj ulliri
- Kripë, piper
Përgatitja:
Pasi grijmë imët pjesën e bardhë të preshit e kaurdisim me vaj ulliri. E lëmë derisa të ulë vëllimin, e spërkasim me kripë dhe piper dhe e lemë që të zbutet. Ndërkohë tek mielli i misrit shtojmë sodën e bukës, vaj ulliri dhe ujë të ngrohtë. E punojmë mirë derisa të krijohet një brumë i lidhur, të cilin e shtrojmë në një tavë të lyer me pak vaj. Mbi të vendosim preshin e kaurdisur spërkatur me majdanoz të grirë. Rrahim vezët së bashku me kosin dhe e shtojmë në tavë mbi preshin. Bëjmë një spërkatje të lehtë të sipërfaqes me miell misri dhe e vendosim pispilinë të piqet në furrë të nxehtë në temperaturën 180 gradë Celsius derisa të marrë një ngjyrë të bukur.
