Pite e mbushur me proshutë dhe djathë
Përbërësit:
- 400 ml dhallë
- 500 gr miell
- 1lç kripë
- Pak sheqer
- 1lç maja
Për mbushje:
- 300 gr djathë
- 150 gr proshutë FIX
- 100 gr gjalpë
Përgatitja:
Tresim në ujë majanë, sheqerin, pak miell dhe e lemë të aktivizohet. Zëmë brumin më pas dhe e lemë të vijë për 40 minuta. Pasi brumi është gati e hapim në tryezën e punës, e lyejmë me gjalpë dhe e mbushim me proshutë dhe djathë të grirë të cilin e kemi përzier me copëza gjalpi. E mbledhim piten në formë boçeje dhe më pas e hapim me okllai, në fund e spërkasim me djathë sërish. E vendosim në furrë të nxehtë në temperaturën 200 gradë Celsius për 30 minuta.
