Pllaqi në furrë
Përbërësit:
- Fasule pllaqi
- Spec i kuq
- Spec jeshil
- Pak selino
- Qepë të thatë
- Hudhër
- Salcë domate
- Gjethe dafine
- Rigon, nenexhik
- Kripë, piper
- Vaj ulliri
- Suxhuk ose llukanik sipas dëshirës
Përgatitja:
Pllaqitë i kemi lënë një natë më parë në ujë dhe në mëngjes i ziejmë për 10 minuta me qepë, pak vaj ulliri, kripë dhe piper. Specat e grirë së bashku me selinonë i kaurdisim për pak minuta që të mos zbuten dhe më pas shtojmë aty salcën e domates. Rregullojmë shijen me kripë, piper, rigon, nenexhik dhe e bashkojmë masën me fasulet pllaqi të ziera në një tepsi, të cilën e vendosim në furrë të parangrohur të piqet derisa sipërfaqja të ajkoset. Në 10 minutëshin e fundit të pjekjes sipas dëshirës mund të shtjomë suxhuk të prerë në fetëza.
