Sa herë keni dëgjuar fëmijën tuaj të thotë ‘kam frikë të tregoj notën’, apo keni parë stresin në fytyrën e tij kur flitet për shkollën? Presioni për nota është një realitet për shumë fëmijë dhe shpesh prindërit, edhe pa e kuptuar, e përforcojnë këtë stres. Pse fëmijët përjetojnë stres kaq të madh për notat dhe si ndikon ky presion në shëndetin e tyre emocional dhe psikologjik? A ka një mënyrë të mirë për të motivuar fëmijët pa i bërë të ndihen të detyruar apo të frikësuar nga dështimi? Si mund ta bëjmë procesin e të mësuarit më të shëndetshëm dhe bisedat pas shkolle më të frytshme? Si duhet të reagojmë ndaj notave të tyre dhe cilat pyetje janë më të mira për të ndërtuar një komunikim të hapur? Këto pyetje i diskutuam në studion e “Rreze Dielli” me psikologen e fëmijëve Aljona Jonuzi.