Pulë e mbushur
Përbërësit:
- 1 pulë e madhe
- 3-4 thelpinj hudhër
- Lëngu i një limoni
- Kripë, piper i zi
- Rozmarinë e freskët
- Vaj ulliri ose gjalpë i shkrirë
- Për mbushjen:
- 200 gr bukë e thërrmuar
- 150 gr mish i grirë (mish viçi ose suxhuk)
- 1 qepë e madhe
- 2 thelpinj hudhër
- 100 gr arra të grira
- 100 gr rrush i thatë
- 1 mollë
- 1 vezë
- Kripë, piper, trumzë, rigon
Përgatitja:
Në një tigan skuqim qepën dhe hudhrën me vaj ulliri derisa të zbuten. Shtojmë mishin e grirë dhe e skuqim derisa të marrë ngjyrë. Shtojmë arrat, rrushin e thatë dhe mollën. E përziejmë dhe e lëmë 3-4 minuta. Fikim zjarrin dhe shtojmë bukën e thërrmuar, vezën dhe erëzat. E përziejmë mirë masën e mbushjes dhe e lëmë të ftohet. Ndërkohë në një enë përziejmë lëngun e limonit, hudhrën e grirë, vajin ose gjalpin dhe erëzat dhe lyejmë mirë pulën nga jashtë dhe brenda. Mbushim pulën me masën e përgatitur, lidhim këmbët e pulës me spango kuzhine dhe e vendosim në një tavë. Shtojmë pak ujë ose lëng pule në tavë për të shmangur djegien. E pjekim në 180°C për rreth 2 orë (në varësi të peshës së pulës). E kontrollojmë herë pas here duke e lyer me lëngun e saj që të mos thahet dhe të marrë një ngjyrë të bukur gjatë pjekjes.
