Pulë me lëng limoni

Përbërësit:

• 1 pulë
• 50 ml vaj ulliri
• 50 ml lëng limoni
• 1 lgj niseshte
• Kripë, piper i zi
• Lëkurë e grirë limoni

Përgatitja:

Presim pulën në racione dhe e kaurdisim në një tigan me yndyrë duke shtuar pak kripë dhe piper. E lëmë derisa të zbutet mirë, të ketë kaluar në sotarizim (skuqje-zierje). Më pas shtojmë ujë dhe e lëmë pulën të ziejë.

Tresim niseshten në lëngun e limonit dhe e shtojmë tek pula. Vendosim dhe pak lëkurë limoni të grirë imët dhe e lëmë derisa mishi të shkëputet nga kocka dhe më pas e kalojmë në furrë në 180 gradë për 20 minuta.