Qendra Fokus, me familjën në mendje, këtë herë ka patur në vëmendje fëmijët. Në të gjithë vendin janë të shumtë ata fëmijë që kujdesen për prindërit e tyre të cilët vuajnë nga sëmundjet mendore. Projekti është realizuar në katër qarqe të vendit Elbasan, Shkodër, Vlorë dhe Tiranë dhe ka si synim garantimin dhe monitorimin e cilësisë së shërbimeve mjekësore dhe sociale. Aktivitetet kryesore janë së pari hartimi i një metodologjie për identifikimin e rasteve të fëmijëve të cilët kanë prindër që vuajnë nga probleme të shëndetit mendor. Pas hartimit të metodologjisë u realizua një trajnim një ditor me profësionistët të cilët do të punonin në terren me familjet.