Qumështor tradicional
Përbërësit:
- 1.5 litër qumësht
- 10 vezë
- 10 lgj sheqer
- 10 lgj miell
- 50 gr gjalpë
- Pak vanilje
Përgatitja:
Rrahim fort vezët me sheqerin, më pas shtojmë gjalpin e shkrirë jo të nxehtë. Esencën e vaniljes e hedhim tek mielli dhe e shtojmë tek vezët e rrahura me sheqer. E përziejmë mirë që mos të krijohen kokrra dhe shtojmë qumështin. Lyejmë një tavë me pak gjalpë dhe hedhim qumështorin. E vendosim në furrë të parangrohur dhe e pjekim në temperaturën 180°C derisa të mpikset dhe të marrë ngjyrë karamel në sipërfaqe.
