Receta e ditës - Byrek me qepë e domate dhe Supë me kungull e kos / Pjesa e dytë

2 Korrik, 14:17

Receta e dytë: Supë me kungull dhe kos

Përbërësit:

400 gr kungull

vaj për skuqje

40 gr gjalp

2 lugë gjelle miell

500 ml kos + 2 thelpinj hudhër

700 ml lëng perimesh

kripë + piper të zi

kopër

Përgatitja:

Presim kungullin në feta rrumbullake jo shumë të holla. I skuqim ato dhe I largojmë duke i vendosur në letër kuzhine. Në një tenxhere shkrijmë gjalpin dhe kaurdisim miellin deri sa ai të ziejë në gjalp. Shtojmë kosin dhe e përziejmë mirë duke krijuar një masë të trashë. E shuajmë më pas me lëng perimesh e hudhër dhe e lëmë të ziejë duke përftuar kosistencën që dëshirojmë. Shtojmë kripë, piper të zi. Në fund shtojmë kungujt, i japim një valë dhe e servirim duke e spërkatur me kopër. Nëse dëshironi mund ta kaloni dhe në blender duke e kthyer supën në krem.  

Programe të tjera

Shiko të gjitha