Sallatë me makarona dhe perime, recetë e lehtë verore
Përbërësit:
- 360 gr makarona (Fusilli)
- 120 gr djathë i bardhë
- 150 gr bizele të freskëta
- 4 domate të prera në feta
- 2 speca të verdhë të prerë në kubikë
- 1 lugë gjelle vaj ulliri
- Kripë, piper
Përgatitja:
Fillimisht vendosim bizelet në ujë me kripë. Lajmë perimet, presim specat në kubikë dhe domatet në rrathë dhe i vendosim në një tas të madh ku shtojmë dhe bizelet. Ndërkohë vendosim makaronat të ziejnë al dente në ujë të bollshëm me kripë. Më pas i kullojmë makaronat dhe i shtojmë tek perimet. Presim që makaronat të ftohen dhe në fund shtojmë djathin e bardhë të prerë në kubikë. Rregullojmë shijen me kripë, piper dhe vaj ulliri ekstra të virgjër.
