Revani me niseshte dhe sherbet
Përbërësit:
- 6 vezë mesatare
- 500 gr gjalpë
- 2 gota sheqer
- 700 gr niseshte
- 1 bustinë vanilje
- 1 bustinë pluhur pjekës
- Për sherbetin:
- 500 gr sheqer
- 800 ml ujë
- 1 lç limontoz
Përgatitja:
Rrahim vezët me sheqerin me ndihmën e një rrahësi elektrik derisa vezët të zbardhen. Shtojmë gjalpin dhe më pas niseshten e situr me vaniljen dhe pluhurin pjekës. E rrahim me rrahës elektrik derisa të krijohet një brumë kompakt. E shtrojmë brumin në tavë, e nivelojmë mirë dhe e vendosim revaninë të piqet në furrë në temperaturën 200 gradë Celsius për 30 minuta. Ndërkohë përgatisim sherbetin, e lemë të ftohet dhe pasi revania të piqet e sherbetosim të nxehtë.
