Role me mish të grirë
Përbërësit:
- 1 kg mish i grirë
- 1 qepë
- 2 thelpinj hudhër
- 2 speca të kuq
- 2 speca jeshil
- 200 gr proshutë
- 1 kokërr vezë
- 1 lgj miell
- 200 gr djathë pice
- Kripë sipas shijes
- Piper i zi, piper i kuq
Përgatitja:
Grijmë qepën bashkë me hudhrën, e përziejmë me mishin e grirë dhe specat e prera në kubikë. Shtojmë erëzat, miellin dhe vezën. E hapim brumin në një qese kuzhine, të cilën e kemi pudrosur me piper të kuq. Shtrojmë feta proshute dhe djathë të grirë. E bëjmë rulo duke e mbledhur, i japim formë dhe e vendosim në furrë në temperaturën 200 gradë Celsius për 30 minuta. Më pas largojmë qesen dhe e spërkasim me salcë aceto balsamike, për t'i dhënë shije të ëmbël dhe të athët njëkohësisht.
