Zonja Albana solli dy receta plot shije në “Rreze Dielli”: Makarona me rikota dhe Tavë me lakër armë. I ftuar në këndin e kuzhinës pastiçieri Selam Allaraj, djali nga Kukësi tregoi për Rreze Dielli se si përgatitet brumi i “Pasta Frolla”, me këtë brumë mund të përgatiten biskota të ndryshme dhe krostata. Erdona Bjeshkaj në rubrikën “Bëje Vetë” sugjeroi dy maska me përberës që të gjithë i kemi në shtëpi. Maskë anti-moshë që lufton rrudhat dhe një maskë krem për largimin e rrathëve të errët dhe qeskave poshtë syve Në një lidhje skype me Rahela Pashaj, vajzën durrsake që jeton në Itali. Studentja ekselente shqiptare na ka bërë krenarë, e përzgjedhur nga 3181 aplikime të paraqitura nga drejtuesit e Shkollave në Itali, ajo bëhet pjesë e listës së 25 nxënësve më të mirë në Itali, ndërsa është vlerësuar dhe nga Presidenti Italian Sergio Mattarella me çmimin “Alfiere del Lavoro”. Një histori suksesi e gruas shqiptare. Suela Plaka emigroi 20 vite më parë drejt vendit fqinj, ashtu si shumë të rinj të tjerë, në përpjekje për të realizuar veten dhe aspiratat e saj. Ndjeshmëria ndaj çështjeve sociale e çoi drejt angazhimit në politikë, ku sot kandidon si këshilltare në Lombardi në provincën e Bergamos. Suela Plaka përveç angazhimit të saj në politikë merret dhe me promovimin e Shëndetit Publik dhe si profesioniste e lirë në një studio Nutricionizmi. E pyetur për sfidat më të mëdha për ushqyerjen e shendetshme nutricionistja theksoi se sot “fjala dietë është zëvendësuar me stil jetese” dhe të gjithë duhet të përpiqemi të kemi një jetë të ekuilibruar dhe të shëndetshme.
