Sallatë me lakër të bardhë

Përbërësit:

• ½ kokë lakër (rreth 500 gr)
• 1 panxhar
• 1 karotë e madhe
• 1 mollë jeshile ose e kuqe
• ½ qepë e kuqe
• 2-3 lgj vaj ulliri
• 1 lgj uthull molle ose lëng limoni
• 1 lç mjaltë ose mustardë
• Kripë, piper i zi
• Majdanoz ose koper

Përgatitja:

Lajmë dhe grijmë lakrën shumë hollë. E vendosim në një tas të madh ku shtojmë panxharin, karotën e grirë, mollën dhe qepën. Shtojmë majdanozin ose koprën sipër. Në një tas të vogël përziejmë vajin e ullirit me uthullën, kripën, piperin dhe nëse dëshirojmë pak mjaltë ose mustardë. Hedhim salcën mbi sallatë dhe e përziejmë mirë. E lëmë të qëndrojë 10–15 minuta në frigorifer para se ta shërbejmë që lakra të zbutet dhe të përthithen shijet.

Këshilla nga Albana:  Mund të shtosh fara susami, arra, lajthi apo rrush të thatë për version më gourmet. Për një prekje mesdhetare, shto djathë të bardhë të thërrmuar ose djathë dhie.