Në jetë, ka dashuri që lindin në kohë të qeta dhe rriten me rrjedhën e ditëve, por ka edhe dashuri që lindin mes stuhive, të forta dhe të pathyeshme, sfiduese dhe të mbushura me sakrifica. "Kohe Kurorash" është një rrëfim i tillë – një roman i bazuar në histori të vërteta, ku katër gra nga Kosova ndajnë me guxim përvojat e tyre të dashurisë në kohë lufte. Tre nga bashkëautoret e këtij libri, gra që jo vetëm kanë ndërtuar karriera të suksesshme në fushën e ekonomisë, por edhe kanë sjellë një dëshmi të fuqishme mbi qëndresën dhe dashurinë. Shqiponja Vokshi, Lona Kadriu dhe Mirlinda Ahmeti rrëfyen në studion e “Rreze Dielli” copëza nga dashuritë e përjetuara në kohë lufte.