Simite me proshutë dhe djathë në furrë

Përbërësit:

Për brumin:

• 400 gr miell
• 4 gr maja
• 1 majë luge sheqer
• 1 lç kripë
• Ujë të vakët

Për mbushjen:

• 300 gr proshutë
• 300 gr djathë me feta i prerë hollë
• ¾ filxhan gjalpë të shkrirë
• 1 ½ lugë mustardë
• 1½ lugë çaji salcë soje
• 1 ½ lugë fara susami

Përgatitja:

Fillimisht përgatisim brumin e simiteve, e mbulojmë me letër kuzhine dhe e lemë të vijë. Ndërkohë parangrohim furrën në 175 gradë C. Në një tas, përziejmë së bashku gjalpin, mustardën, salcën e sojes dhe farat e susamit. Pasi brumi ka ardhur e ndajmë në kuleçë. I hapim pak kuleçët dhe vendosim pak nga salca e përgatitur, fetat e proshutës dhe të djathit. E punojmë përsëri brumin duke i dhënë formën e simites së mbushur. I vendosim simitet të piqen në furrë dhe në minutat e fundit lyejmë sipërfaqen e të gjitha simiteve me salcën e përgatitur me mustardë dhe fara susami.