Spageti me rikota, kaperi dhe limon
Përbërësit:
- 300 gr spageti
- 200 gr rikota
- 50 gr kaperi
- Lëkura e 1/2 limoni
- Vaj ulliri ekstra i virgjër
- Kripë, piper
Përgatitja:
Fillimisht vendosim makaronat spageti të ziejnë në ujë të bollshëm me kripë.
Kur spagetit të jenë gati, i kullojmë dhe i lëmë të ftohen në një enë me ujë dhe akull. Marrim një gotë mikseri dhe në të vendosim gjizën /rikotën, kaperin dhe lëkurën e limonit. Përziejmë të gjithë përbërësit me një blender dhe hedhim ngadalë vajin e ullirit ekstra të virgjër. Pasi makaronat të jenë ftohur i kullojmë dhe i përziejmë me rikotën që sapo kemi përgatitur, pak kripë dhe piper të freskët.
