Speca të pjekur me kos, djathë dhe majdanoz

Përbërësit:

• 1 kg speca të kuq mishtorë
• 3 vezë
• 1 lugë miell
• 500 gr kos të trashë ose ajkë
• 1 tufë majdanoz
• 100 gr kaçkavall
• Djathë i bardhë sipas dëshirës

Përgatitja:

Specat i lajmë, i fshijmë, i pjekim dhe më pas i qërojmë dhe u largojmë farat. I pudrosim me pak miell, i kalojmë në vezë të rrahura dhe i skuqim pak në vaj të nxehtë. Një të tretën e specave të fërguar i palosim në një tavë, mbi to hedhim kosin e përzier me djathë. Mbi djathë hedhim majdanozin e grirë hollë. Njëlloj veprojmë edhe me dy të tretat e specave, me radhë speca, kos me djathë e majdanoz. Në fund bëjmë një spërkatje me djathë kaçkavall dhe i vendosim në furrë të nxehtë pak minuta derisa të shkrihet djathi.