Supë krem brokoli
Përbërësit:
- 1 brokoli
- 1 qepë e vogël
- 1 patate
- 1 kungull jeshil
- 1 lgj vaj ulliri
- 1 lgj miell
- 1 lgj gjalpë
- 1 vezë
- 500 ml qumësht
- Kripë, arrë moskat
- Majdanoz
Përgatitja:
Kaurdisim qepën e grirë hollë me pak vaj ulliri, shtojmë pataten të prerë në kubikë dhe vijojmë me kaurdisjen duke shtuar dhe pak ujë. Më pas shtojmë kungullin dhe brokolin dhe e lëmë të ziejë. Ndërkohë në një tigan kaurdisim miellin me pak gjalpë. Sapo mielli ndryshon ngjyrë e shuajmë me qumështin e trazuar me një vezë. E lëmë kremin të lidhet, rregullojmë shijen me kripë dhe erëza dhe shtojmë perimet e fruluara. E përziejmë mirë supën dhe e servirim të ngrohtë spërkatur me majdanoz.
