Supë me mish qengji
Përbërësit:
- 200 gr mish qengji
- 1 lugë miell
- 1 gotë qumësht
- 1 e verdhë veze
- Lëngu i 1/2 limoni
- Majdanoz
- Kripë, piper
Përgatitja:
Fillimisht ziejmë mishin e qengjit, më pas kullojmë lëngun dhe mishin e copëtojmë. Kaurdisim në një tenxhere një lugë miell me pak yndyrë dhe sapo të zverdhet e shuajmë gradualisht me lëngun e ngrohtë të mishit dhe me pak qumësht. Shtojmë copëzat e mishit dhe e lëmë supën të lidhet. Rregullojmë shijen me kripë e piper dhe në fund e presim me një vezë me limon. Servirim supën të ngrohtë spërkatur me majdanoz të freskët.
