Supë me thjerrëza të kuqe
Përbërësit:
- 200 gr thjerrëza të kuqe
- 1 qepë e vogël
- 1 karotë
- 1 patate mesatare
- 2 lugë gjelle vaj
- 2 thelpinj hudhër
- 1 lugë gjelle salcë domatesh
- 1 lugë çaji piper i kuq
- 1 litër lëng perimesh
- Kripë, piper i zi
- Pak majdanoz të freskët
Përgatitja:
Në një tenxhere, ngrohim vajin dhe skuqim qepën dhe hudhrën derisa të zbuten. Shtojmë karotën dhe pataten dhe i kaurdisim për 2-3 minuta. Më pas shtojmë salcën e domates, piperin e kuq dhe thjerrëzat e kuqe të shpëlara. Hedhim lëngun e perimeve dhe e lëmë supën të ziejë në zjarr të ulët për 20-25 minuta, derisa thjerrëzat dhe perimet të jenë gatuar plotësisht. Në fund rregullojmë shijen me kripë dhe piper sipas shijes. Nëse dëshirojmë një teksturë më të lëmuar, e kalojmë supën në blender dore derisa të arrijmë konsistencën e dëshiruar.
