Këngëtarë të muzikës popullore dhe artistë nga Ansambli ‘Shqiponja’ ishin të ftuar në studion e ‘Rreze Dielli’, duke na dhuruar një program festiv të larmishëm, plot ritëm dhe këngë tradicionale nga të gjitha trevat e Shqipërisë. Shijuam një repertor me këngë të bukura popullore, të cilat janë pjesë e pandashme e gëzimeve tona familjare, por edhe një pasuri e çmuar, një pasaportë e folklorit tonë kombëtar. Në këtë atmosferë festive me ne, këngëtarja e mirënjohur përmetare Evgjeni Culli, këngëtarja Gloria Xhomaqi me zërin e saj karakteristik kolonjar, Klevis Hysko, një artist i ri i talentuar i muzikës popullore, që lëvron me sukses repertorin e Shqipërisë së Mesme, por edhe të jugut e veriut – si dhe shkodrani karizmatik Klinsman Llazani. Vjollca Greca, me zërin e saj melodioz, e plotësoi këtë mozaik artistik, e shoqëruar nga banda muzikore e të rinjve me Denis Behari dhe Verona Kryeziu, duke sjellë një atmosferë fantastike në studio.