Tatli Stambolli / Sheqerparka

Përbërësit:

• 1 ¼ litër qumësht
• 2 bustina sheqer vanilje
• 400 gr miell ermik
• 8 vezë
• 3 lugë supe sheqer pluhur
• 100 gr gjalpë i tretur

Për sherbetin:

• ½ litër ujë
• 1 qeske sheqer vanilje
• 600–700 g sheqer

Përgatitja:

Vlojmë qumështin, më pas shtojmë gradualisht miellin ermik, duke e përzier vazhdimisht që të mos krijohen kokrriza. Shtojmë sheqerin vanilje dhe e përziejmë derisa masa të trashet. E heqim nga zjarri dhe e lëmë të ftohet. Rrahim vezët me sheqerin pluhur. Hedhim përzierjen e vezëve në masën e miellit me qumësht dhe e përziejmë me lugë. Shtojmë gjalpin e zbutur dhe e përziejmë mirë derisa masa të jetë e njëtrajtshme. Formojmë kuleçë të vegjël dhe i radhitim në tepsi të lyer me gjalpë. I vendosim në pjekje në temperaturë mesatare derisa të marrin ngjyrë të artë. Ndërkohë ziejmë sherbetin (ujë + sheqer + vanilje) dhe e lëmë të ftohet pak. Hedhim sherbetin e nxehtë mbi tatlitë e sapodala nga furra dhe i lëmë që të përthithin sherbetin.