Punimet për rindërtimin e shkollës 9-vjeçare Eftali Koçi në Durrës, janë ndërprerë prej disa muajsh për shkak të zbulimeve arkeologjike, 2400 vjeçare. Puninet e nisura më 12 nëntor të vitit të shkuar, janë ndërprerë në prill të këtij viti pasi nën gjurmën e shkollës Eftali Koçi, janë zbuluar struktura të cilat mendohet të datojnë në shekullin e IV-III p.e.s. Ky është një ndër zbulimet më të mëdha të viteve të fundit dhe për zbulimin e këtij muri është përgatitur një raport mbi gjetjet dhe është dorëzuar pranë Këshillit Kombëtar të Trashëgimisë Kulturore Materiale konform legjislacionit në fuqi, bëjnë me dije instancat përkatëse.