-
VIDEO
Atentati ndaj kreut të Rithemelimit në Vaun e Dejës, Noka: Përse nuk reaguat asnjëri, Rama përgjegjësi! Vini në Kuvend e fshihni kokën si strucë
Deputeti Flamur Noka ka folur në Kuvend për atentatin ndaj kreut të Rithemelimit, Benard Ndrecës. Noka ashtu si Berisha, bëri përgjegjës Edi Ramën për atentatin, duke thënë se heshtja e tij e provoi se qëndronte mbrapa atij akti.
“Si mund të shpjegohet ndryshe që kryeministri pa bërë disa orë nga ngjarja, ishte në aktivitet dhe nuk e përmendi fare. “Askush nga ju nuk e përmendi fare rastin në Vaun e Dejës. A thua aty ishte goditur një mizë dhe jo lideri i opozitës së atij vendi, pa asnjë problematikë me ligjin. bëtë gjithçka kundër opozitës, për ta përçarë politikisht dhe tani kujtoheni që të bëni dhe likuidime fizike. Këtu vini e fusni kokën nëpër ato tavolina si struci në rërë dhe nuk keni kurajo. Dhe një krimineli ti ndodhë ngjarje të tilla duhet të këtë reagim, edhe për kriminelin nuk është tritoli, është ligji dhe drejtësia. Tregoni që mbrapa atij atentati është Edi Rama, prandaj nuk bëzajti asnjë fjalë për të dënuar. Ishte një akt terrorizmi politik. Ju e shihni veten të pashpresë. Ndaluat dhe takimet me idenë e kursimeve, por jo. Rama takohet me administratën vetën se s’ju mbështet njeri tjetër.
Strategjia juaj është terror dhe blerje, pse nuk keni folur asnjëri. Ku është zotëria. Kryetare kuvendi duhej të kishit folur, të dënohej akti terrorist. Sikur ia tritol ti ishte vënë ndonjërit prej jush, çfarë do thoshit, do drejtonit gishtin direkt, ndërsa kshu fërkoni duart. Ka fytyrë njerëzore kjo qeveria mund ta quajë qeveri njeri këtë. Ju jeni regjim por keni kaluar çdo limit. Më 14 maj do e merrni përgjigjen. Nuk ka presion, shantazh, tritol që do ndalojë vrullin e demokratëve dhe opozitarëve të këtij vendi për ti treguar Ramës vendin dhe ju të gjithëve. Vetëm mazhorancë nuk jeni, jeni një grup u strukturuar kriminal”, tha Noka.
-
VIDEO
Akuzat e Berishës për atentatin në Vaun e Dejës, Balla: Të bëjë denoncim nëse ka emra, ndryshë të heshtë! Nuk i dihet se ç’del
Akuzat e ish-Kryeministrit Sali Berisha që mazhoranca është e përfshirë në atentatin që iu bë Benard Ndrecës, kreut të ‘Rithemelimit’ në Vaun e Dejës, Partia Socialiste i konsideron absurde. Kryetari i grupit parlamentar socialist, Taulant Balla, e sfidoi Berishën që të bënte denoncimin nëse ka prova. Ai e lidhi sjelljen e Berishës me akuzat që bënte edhe për vrasjen e Azem Hajdarit por që rezultoi ndryshe më vonë.
“Gjithmonë kështu ka bërë. Fajësonte Kryeministrin e asaj kohe të PS. Faktet treguan se ishte komplet një histori tjetër, vetë ky ishte i lidhur dhe e nxori bashkëpunëtorin e tij në pritë.
Unë e përgëzoj ministrin e Brendshëm që nuk iu përgjigj, përgjigjen duhet ta japin institucionet. Ngjarja duhet zbardhur. Nuk e bën politika policin apo prokurorin. E sfidoj Berishën, të shkojë t’i ccojë në prokurori emrat që gjoja ka. Ka një nen që e detyron të bëjë kallëzimin. Shkoni bëjeni kallëzimin, ose ndryshe mbylleni gojën se mund të ketë gjëra që s’i dihet”, tha Balla në seancë plenare.
-
VIDEO
Ku i gjen paratë për fushatë? Berisha: Na financon fryma e fitores, Rama i dha fondet dyshes që e mban peng! Akt i turpshëm
Ish-kryeministri Sali Berisha e konsideron të turpshëm faktin se paratë e buxhetit të shtetit për partitë politike, si fondet vjetore edhe ato për zgjedhjet vendore, i kalojnë Partisë Demokratike zyrtare. Berisha tha se paratë e 620 mijë votuesve të PD-së do t’i përdoren ata që janë peng i Ramës.
-
VIDEO
Berisha ‘non grata’ kërcënon: Do ekstradoj Ramën në SHBA
Ish-kryeministri Sali Berisha, i shpallur non grata nga SHBA, thotë se do të ekstradojë Edi Ramën në SHBA sapo ta kërkojë drejtësia amerikane për hetimet e MCgOnigal. Berisha tha ekstradimi i Ramës në SHBA do të jetë pikë e programit të tij.
-
VIDEO
Ndryshimet për ’14 majin’/ KQZ miraton emrat e deputetëve të rinj që futen në Kuvend, zëvendësojnë karriget e atyre që garojnë për kryetarë bashkie
KQZ ka miratuar zëvendësimin e 4 ligjvënësve në Kuvendin e Shqipërisë pasi do të garojnë për zgjedhjet e 14 majit.
-
VIDEO
Majko ironizon deputetët e opozitës: Sipas kryetarit tua servilët i ka marrë PS, i bie që Joridën me Bardhin i kemi ne? Tabaku: Turp që përdorni debatin e PD si argument
Deputeti i PS, Pandeli Majko ka ironizuar opozitën duke përmendur fjalën e Sali Berishës që thotë se servilët i ka marrë PS. Majko tha se sipas kësaj i bie që Jorida Tabaku dhe Gazment Bardhi nuk bëjnë më opozitë.
“Ritheksoj se kërkesa e një grupi deputetësh për të rishikuar disa shqetësime të grupeve të interesit, kjo më duket shumë e bazuar dhe nuk mendoj se sot në parlament duhet të bëhet një fushatë e çuditshme elektorale. Përse thoni që ne po ndryshojmë programin dhe rendin e ditës ftoj zotin Leskaj të reagojë. Sot përfaqësuesi i partisë komuniste përfaqësohet nga partia juaj, citoj kryetarin tuaj që ka thënë se sot PD është pastruar nga servilët dhe i ka marrë PS, pra Jorida dhe Bardhin i kemi marrë ne?”, tha Majko.
-
VIDEO
Begaj thirrje shqiptarëve: Më 14 maj shprehni vullnetin tuaj në kutitë e votimit, denonconi çdo intimidim apo shantazhim
Presidenti Bajram Begaj u ka bërë thirrje qytetarëve shqiptarë që më 14 maj të shprehin vullnetin e tyre të lirë në kutitë e votimit. Begaj u bëri thirrje që të denoncojnë çdo intitmidim apo zhantazhim që mund të marrin gjatë fushatës zgjedhore që mund të ndikojë në votën e tyre.
"Të dashur bashkëqytetarë, zgjedhjet ju japin mundësinë për të përmirësuar hapësirën e jetesës suaj të përditshme, nga rruga ku kaloni, lagjja ku rriten fëmijët si edhe qyteti apo fshati ku ju banoni. Në këto zgjedhje me efekt të menjëhershëm në përditshmërinë tuaj, ushtroni vullnetin tuaj krejt të lirë, çdo intimidim apo shantazh duhet të denoncohet dhe dënohet. Zgjedhjet nuk janë të partive politike, janë të qytetarëve shqiptarë", tha Begaj.
-
VIDEO
Debati në Kuvend, Shalsi: Po shtyjmë ligjin për taksat kombëtare se s’duam të lëmë shteg për saktësime! Leskaj: Keni interesa klienteliste
Në Kuvend nisi debati pasi u vendos që të shtyhej diskutimi dhe miratimi i ligjit për taksat kombëtari. Eduard Shalsi tha se e bënë pasi s’duan të lënë shteg për saktësime më vonë. Ndërsa Bujar Leskaj pretendoi se kanë interesa klienteliste.
“Një koleg deputet mbështeti ndryshimet, një tjetër tha ka interesa klienteliste, njëri gozhdës, tjetri patkoit. Nuk po e tërheqim por po mundohemi të saktësojmë për të mos lënë asnjë shteg për saktësime. Ka shtyrje dhe ju ftoj që ditët në vijim ejani kontribuoni dhe nuk do të flisni më njëri pite e tjetri simite”, tha Shalsi.
“Ju keni 4 muaj që thoni shtyrë, shtyrë se jeni në interesa klienteliste. Ju jeni pjesë e reklamave dhe tani do futeni atje. Nuk jua bën zemra që gabimin që bëtë në 2021 për prodhuesit vendas që i goditët dhe jua shtuat koston me 5%. Për drejtuesit e rinj të Shërbimit sekret e kisha me ironi. Dhe për ndërkombëtarët se jeni bërë të lehtë e s’dua t’ju fyej se jam me agjërim, ato interpretimet për drejtues të PD e kolaicionit, nuk duhet të provokoni por përcaktimi ‘gjysh’ ju ka dhënë vlera. Djali, babai ju përcaktoi gjysh”, tha Bujar Leskaj.
“Nuk kishte asnjë diskordancë që ligjet në këtë parlament vijnë në parlament sic erdhe taksa për hirrin e qumështit që prek një grup të vogël prodhuesish. Majkos i referohem me respekt për moshën dhe eksperiencën por kur keqpërdoren bashkë me emrat e kolegëve, s’mund të rri pa folur. Turp për ato mes jush që përdorin debatin në PD për argument politik. E gjykojnë njerëzit kush është i shitur e kush është i blerë por të lutem, respekt për moshën dhe eksperiencën kur përdor emrat e kolegëve”, tha Jorida Tabaku.
-
VIDEO
Spaho në Kuvend: Dëgjova që do kërkoni që deputetëve të mos u rriten rrogat, e turpshme
Deputeti i ‘Rithemelimit’ Edmond Spaho teksa po fliste për shpërndarjen e fondeve të partive politike tha se ka dëgjuar që deputetët socialistë do të kërkojnë që të mos u rritet rroga. Ai tha se kjo është e turpshme.
“Vendimi për paratë duhet të ridiskutohet. Kodi thotë që lekët duhet t’i marrin partitë që angazhohen në fushatë elektorale ndërkohë që ju ia jepni atyre që nuk ekzistojnë.
Ndërkohë kam dëgjuar që deputetët e mazhorancës do të ndërmarrin një nismë që nuk do të pranojnë rritjen e rrogave. Kjo është e turpshme. Duan ta barazojnë deputetin me një përgjegjës sektori në ministri”, tha Spaho.
-
VIDEO
Deputeti Sula në Kuvend: Ekonomia shqiptare në ditët më të këqija! Mos e mbyllni parlamentin për fushatë
Deputeti i Partisë Demokratike, Dashnor Sula, tha në fjalën e tij në seancë plenare se ekonomia shqiptare është në një situatë shumë të keqe.
“Nuk lini gjë pa rënë në tokë. Tani meqe dolën probleme doni ta hiqni. Por shqetësohuni edh për taksat e tjera. Hiqni atë taksën e naftës që po e shkatërron ekonominë. Ekonomia shqiptare është në ditët e saja më të këqija. Rruga që keni nisur është pa krye. Nuk ka raport ndërkombëtar që thoni një fjalë të mirë. Edhe ato që ne ju kemi propozuar doni t’i bëni tani në fushatë zgjedhore. Rreni dhe mashtroni pa fund. Mos e mbyllni parlamentin një muaj, siç keni ndërmend por të vazhdojmë punën. Rregullorja nuk e lejon që Kuvendi të bllokohet”, tha deputeti Sula.
-
VIDEO
Në Kuvend pritet miratimi i fondit të partive për zgjedhjet, Shehu: Vjedhje, po ja jepni paratë patericave të Ramës
Deputeti i Rithemelimit, Tritan Shehu foli në kuvend për fondin që pritet të miratohet për partitë politike për zgjedhjet vendore. Shehu tha se kjo është vjedhje dhe se po i japin lekët PD-së së Alibeajt si paterica të Ramës.
“Keni një projekt vendim për fondet. Vjedhje masive, mund të kalojë kjo çështje pa u diskutuar në parlament. Është krijuar një situatë e tillë ku po përfitohen paratë nga ca paterica, është një mashtrim i atyre dhe një vjedhje e qeverisë për ti paguar ata”, tha Shehu.
-
VIDEO
Sot Kuvend, do të votohet projektligji për ndërtimin e urës ndërkufitare mbi lumin Buna! Pritet miratimi i fondit 100 milionë lekë për financimin e Vendoreve
Kuvendi mblidhet ditën e sotme në orën 10:00 për seancën plenare ku do të diskutohen një sërë projektligjesh. Mes tyre është edhe projektligji për ndërtimin e urës ndërkufitare mbi lumin Buna, projektligji për disa ndryshime në ligjin ‘Për taksat kombëtare’.