-
VIDEO
Berisha: Rama të japë dorëheqjen, është kriminel ndërkombëtar! Ne kemi nisur lëvizjen për rrëzimin e tij
Sali Berisha ka kërkuar edhe një herë sot dorëheqjen e Kryeministrit Rama pasi sipas tij ai është kriminel ndërkombëtar.
“PD nuk merr pushtet në mënyrë tjetër përveçse me zgjedhje. Ai duhet të japë dorëheqjen menjëherë. Është kriminel ndërkombëtar. Ka kryer një akt kundër vendit të tij dhe kundër partnerit, vendit udhëheqës të NATO-s, SHBA-ve”, tha Berisha.
I pyetur se do të shkojnë apo në zgjedhjet e 14 majit me Ramën kryeministër, Berisha nuk dha një përgjigje të qartë.
“Nis lëvizja finale për rrëzimin e Ramës. Këtu data, muaji janë njëra anë rrëzimi i Ramës është destinacioni absolut. Kjo opozitë ka për mision rrëzimin e Ramës”, tha ai.
-
VIDEO
Berisha sulmon Kim: Ka gënjyer në mënyrë të padenjë qeverinë e vet! I besoj vetëm varianteve të zëdhënësit të DASH
Sali Berisha vijon me akuzat dhe sulmet për ambasadoren amerikane Yuri Kim duke thënë se ka gënjyer qeverinë e vet. Për këtë i referohet shpalljes së tij “non grata” nga SHBA teksa nuk dha detaje se me kë ka komunikime në SHBA, por u shpreh se i beson zëdhënësit të DASH.
“Vendimi për non gratën është i bazuar në shpifje, trillime lobime të Edi Ramës dhe George Soros dhe së fundi kam arritur të factoj se është dhe Yuri Kim, e cila ka gënjyer në mënyrë të padenjë qeverinë e vet.
Unë i besoj zëdhënësit të Departamentit të Shtetit. E ka stis Edi Rama me Yuri Kim këtë të FBI nuk e di? Mbetem të zëdhënësi i Departamentit të Shtetit që thotë se burimet janë gazeta të kontrolluar anga Rama dhe Soros”, tha Berisha.
-
VIDEO
Berisha: Basha e ka rastin për të treguar burimin e parave ruse! Të deklarojë burimin e parave, e ka detyrim
Sali Berisha insiston se në akt akuzën për ish zyrtarin e lartë të FBI-së ishte e qartë përfshihet se si ‘Rama paguante Charles McGonigal për të hetuar mbi lobimin me para ruse të PD" kur këtë e drejtonte Lulzim Basha. Sipas Berishës, Basha e ka rastin për të folur por nuk e bën se nuk e ka përgjegjësinë. Megjithatë thotë me bindje se rusët kanë shpërndarë para në Shqipëri.
-
VIDEO
Berisha dhe 4 deputetë u përjashtuan për 10 ditë nga Kuvendi, Korreshi: S'ia mbyllin dot gojën opozitës! Që sot, u kthyen në palaço qeveri
Deputeti i PD Saimir Korreshi ka folur pas vendimit të Kuvendit për të përjashtuar për 10 ditë nga seancat plenare Sali Berishën, Flamur Nokën, Edi Palokën, Edmond Spahon dhe Belind Këlliçin.
“Nuk mund t’ia mbyllë gojën opozitës me përjashtimin e disa deputetëve. Që sot, është palaço parlament, palaço kryeministër dhe palaço qeveri”, tha Korreshi.
-
VIDEO
Të moderuarit e PD-së e plani i tyre dhe lojëra me spiunë (26 janar 2023)
Deputeti i Partisë Demokratike, Gazment Bardhi ka deklaruar mbrëmjen e sotme se nisma e deputetit Ervin Salianji për mbledhjen e firmave me qëllim shkarkimin e Enkelejd Alibeajt nga kreu i grupit parlamentar demokrat, dështoi që në nisje sepse nuk kishte as mbështetjen e plotë nga ‘grupimi’ i ish kryeministrit Sali Berisha. I ftuar në studion e ‘Real Story’ me gazetarin Sokol Balla në Report TV, Bardhi foli për situatën brenda PD duke mohuar lajmet se kishte pasur rrjedhje nga grupi parlamentar aktual. Sali Berisha ka kërcënuar sot, më shumë se një herë, se Shqipëria nuk do të ketë paqe deri sa Rama të ikë pasi sipas tij “pagoi një ‘vrasës më pagesë’ për të vrarë opozitën shqiptare, pra PD-në. Ish Kryeministri i referohet këtu faktit se sipas tij në akt akuzën për ish zyrtarin e lartë të FBI-së ishte e qartë se si ‘Rama paguante Charles McGonigal për të hetuar mbi lobimin me para ruse të PD" kur këtë e drejtonte Lulzim Basha. Pra skandali me lobistin Nick Muzin. Por si qëndron e vërteta? Gazetari dhe botuesi Carlo Bollino ka treguar sot në ‘Real Story’ në Report Tv se në fakt kjo është absolutisht e pavërtetë. Bollino tregon me dokumente se në akt-akuzën e prokurorisë së Uashington D.C të në Shtetet e Bashkuara të Amerikës thuhet se “Më 25 nëntor 2017, i pandehuri McGonigal informoi prokurorët e Departamentit të Drejtësisë se lidhur me një hetim të ri të mundshëm penal që përfshin një shtetas amerikan i cili ishte regjistruar për të kryer punë lobimi në Shtetet e Bashkuara në emër të një partie politike shqiptare, parti e ndryshme nga ajo në të cilën ishte anëtar kryeministri. Një ditë më parë (pra më 24 nëntor), ai kishte ka marrë informacion nga Personi B (Dorian Duçka për emrin e këtij shtetasi amerikane (pra Nick Muzin)”.
-
VIDEO
Rama në dosjen e ish zyrtarit të FBI, Bardhi: SPAK e ka për detyrë të nisë hetimin
Deputeti i PD-së, Gazment Bardhi tha se SPAK e ka për detyrë që të nis një hetim për kryeministrin Edi Rama dhe lidhjen e tij me ish zyrtarin e lartë të FBI. Ai bëri një paralelizëm se si prokuroria e Tiranës aso kohe, nis një hetim për PD pas një shkrimi të bërë te ‘Mother Jones’. Për këtë, Bardhi thotë se SPAK duhet të marrë të dhëna dhe dosjen, pastaj se cili do jetë rezultati i hetimit, mbetet për t’u parë.
-
VIDEO
Bardhi në ‘Real Story’: Ka deputetë që dje e quanin ‘vrasës’, sot janë krah Berishës për karrierën e tyre personale në politikë
Një deklaratë të fortë ka bërë deputeti i PD-së, Gazment Bardhi, që tha se nga ana e grupit të Berishës ka tentativa për të joshur deputet të grupit të Alibeajt. Ai tha se sot ato deputetë që Berisha ka në krah, e kanë akuzuar si vrasës kohë më parë. Pra sipas tij, kanë ndryshuar qëndrim, pa iu dhënë një shpjegim elektoratit.
-
VIDEO
Çfarë ndodh nëse Berisha merr vulën e PD? Bardhi: Tërhiqem nga politika! Nuk pranoj ta mbështes si kandidat për kryeministër
Gazment Bardhi ka deklaruar mbrëmjen e sotme se do të tërhiqej nga politika nëse Berisha do të jetë në krye të PD-së si kandidat për kryeministër.
I pyetur për vazhdën e veprimeve nëse gjykata e Apelit lë në fuqi vendimin e Agron Zhukrit për vulën e PD-së, Bardhi tha se një gjë e tillë ishte e pamundur ligjërisht, por nëse ndodhte, nuk do të kishte më karrierë politike brenda Partisë Demokratrike.
“Nëse do zbatohet ligji, është e pamundur që të ndodhë një gjë e tillë dhe gjykata të lërë në fuqi vendimin e Agron Zhukrit. Unë personalisht do të mbështes kandidatët e PD-së. Cilido të jetë kandidati që konkurron nën logon e PD-së do marrë mbështetjen dhe votën time. Parakushti është që nëse Berisha do jetë në krye të PD-së kandidat për kryeministër, unë nuk do kem më karrierë politike brenda PD. Nuk do pranoj të mbështes Berishën si kandidat për kryeministër”- u shpreh Gazment Bardhi.
-
VIDEO
Zgjedhjet lokale të 14 majit, Bardhi: Mund të gjendet gjuha e përbashkët me grupimin tjetër për kandidatët e bashkive të cilët nuk janë non-grata
Duke folur për zgjedhjet lokale të 14 majit, deputeti i PD, Gazment Bardhi nuk përjashtoi mundësinë e gjetjes së kandidatëve të përbashkët edhe nga ‘kampi kundërshtar’ demokrat, përsa kohë këta të fundit nuk janë të shpallur non-grata dhe nuk kanë probleme me korrupsionin.
-
VIDEO
Nisma e Salianjit për të shkarkuar Alibeajn, Bardhi: Nuk kishte mbështetjen e plotë as nga grupi i Berishës! Dështoi që në fillim
Deputeti i Partisë Demokratike, Gazment Bardhi tha se nisma e Ervin Salianjit për mbledhjen e firmave brenda grupit parlamentar me qëllim shkarkimin e Alibeajt nuk pati sukses sepse lëvizja e tij nuk u mbështet as nga deputetët që mbështesin Berishën.
-
VIDEO
Beci në ‘Kontrast’: Asgjë s’e ndalon Prokurorinë shqiptare që të nisë e hetimet për Agron Nezës! (26 janar 2023)
TIRANË- Ish- prokurori Eugen Beci tha se SPAK nuk e ndalon asgjë që të nisë një hetim nga Agron Nezës, personi “A” i përmendur në dosjen e ish-zyrtarit të lartë të FBI-së. I ftuar në ‘Kontrast’ në Report Tv me gazetarët Denis Minga dhe Lorenc Vangjeli, Beci tha se për aq kohë sa Neza është një shtetas shqiptar, mund të nisen hetimet minimalisht për të zbuluar origjinën e parave, kush i ka nisur, si i ka nisur, dhe ku kanë përfunduar. Mirëpo theksoi se gjithçka varet nga hetimet që po zhvillohen në SHBA.
-
VIDEO
Çfarë po paralajmëron Berisha? Ish-kryeministri: S’ka paqe deri sa të ikë Rama! Është beteja finale e luftës sonë
Ish-kryeministri Sali Berisha ka kërkuar sërish dorëheqjen e kryeministrit Edi Rama, pasi thotë se ai kërkoi që të godiste opozitën nëpërmjet aferës me agjentin e FBI-së Charles McGonigal