• VIDEO

    Moti i keq/ Përkeqësohet situata në Lezhë, 2350 ha tokë e përmbytur! Prezencë uji në 4 banesa! 7 familje të evakuuara në Shkodër

    Në veri të vendit reshjet janë ndërprerë dhe uji ka nisur të tërhiqet, por dëmet materiale tek familjet që u prekën nga përmbytjet në Lezhë dhe Shkodër janë të mëdha pasi vijojnë të jenë 3480 ha tokë e përmbytur.

    • VIDEO

      Gafa e Spahos: Gjithmonë kam vrarë veten! Spiropali: Aman se na duhesh

      Deputeti Edmond Spaho gjatë fjalës së tij në Kuvend, bëri një lapsus ku u shpreh se “gjithmonë ka vrarë veten” në vend që të shprehej “gjithmonë ka vrarë mendjen”. Vetë Spaho u shpreh se është një lapsus dhe kërkoi falje.

       
    • VIDEO

      Shehaj-Ministres së Financave: Keni dy vjet gënjeni shqiptarët për Portin e Durrësit! Ibrahimaj: Ju jeni qesharak, s’kuptoni konceptet

      Një përplasje ka pasur mes deputetit demokrat dhe ministres së Financave, Delina Ibrahmaj. Shehaj u shpreh se prej dy vitesh po vidhet ndërsa ministrja e cilësoi si qesharak faktin se opozita s’kupton disa koncepte elementare. Gjatë përplasjes, Shehaj përplaste duart në tavolinë.

       
    • VIDEO

      Berisha bllokoi foltoren, Xhaferraj: Pse ikën nga Kuvendi, nuk i bën seriozë

      Deputeti i Partisë Demokratike Ferdinand Xhaferraj ka ironizuar në Kuvend Foltoren e Sali Berishës! Sipas tij ato bllokuan foltoren e Kuvendin për t’i dhënë rëndësinë e duhur diskutimit për Portin Durrësit, por fakti që u larguan nga salla e parlamentit, nuk i bën ato serioz për këtë çështje.

    • VIDEO

      Rama në interpelancë në Kuvend, Berisha flet jashtë seancës: Ai përmbyti qytetarët, t’i dëmshpërblejë tani çdo qindarkë

      Sali Berisha e akuzon qeverinë se përmbyti qytetarët në Shkodër. Sipas tij u dha një urdhër kriminal që solli edhe dëme të jashtëzakonshme për qytetarët.

       
    • VIDEO

      Rama: Porti i Durrësit si investimi më i madh i huaj në rajon, një portë e bukur e Mesdheut turistik dhe ‘esatët’ që ia marrin frymën vendit që prej 1912

      Që të jemi që në krye të herës të qartë se për çfarë do flasim sot! Një port si në Mesjetë ku tregtohet krom ne zemër të qytetit, ku lulëzojnë sipërfaqet e ndryshkut dhe ku kalben mjetet e vdekura lundruese, ku shtrihen mijëra metra katrorë ferra dhe ndryshqe dhe qytet turistik”. Kur dëgjon ju dhe shikon këto pamje e kupton se pse jeni të shqetësuar. Ju jeni fiks si këto.

    • VIDEO

      Akuzat e opozitës, Rama: Ju kam lënë Zotin, vetëm ai e zgjidh të pazgjidhshmen me ju! Ja çfarë tha Konica për ju

      Në fund të fjalës së tij më shumë se 54 minuta në Kuvend për ccështjen e Portit të Durrësit, Kryeministri Rama foli edhe për akuzat e rënda të opozitës. Me ironi ai tha se ‘Ju kam lënë Zotin’ teksa citoi edhe një pjesë të një veprë të Faik Konicës ku flet për të gjithë ata që ‘duan të japin jetën për Atdheun’.

       
    • VIDEO

      Port i Durrësit, Alibeaj: Vjedhje masive, pse nuk kishte garë! Rama mbajti një fjalim fiks si ai i inceneratorëve dhe iku

      Kreu i Grupit të PD-së, Enkelejd Alibeaj foli në kuvend për projektin e portit të Durrësit, të cilën e cilësoi një aferë korruptive. Ndalu në fjalimin e Ramës, Alibeaj tha se ai përdori të njëjtin fjalim si ai i Inceneratorëve.

      Vjedhje masive e pasurive tuaja. 54 minuta nga koha juaj për 2.1 miliardë për xhepin e tij. E bëri me një fjalim për të ngritur peshë patriotizmin peshë në zemrat e shqiptarëve. I njëjti fjalim si për inceneratorët. Sot pas kaq vitesh të inceneratorëve, ajo që mund të numërohet është sesa ministra deputetë janë prapa hekurave. Ajo që ndodh sot nuk është gjë tjetër veçse një skenë e parë që do t’i paraprijë numrit të ministrave e deputetë për të shkuar para hekurave. I vetmi që ruhet është ai që mblodhi plaçkën edhe iku. Asnjë firmë nuk ka hedhur.

      Të kuptojmë qartë se ç’po ndodh. Pse nuk ka garë. Pse nuk ka garë? Ky Alabaari i famshëm i cili paska marrë gamilet e veta nga Lindja e Mesme plot me verdhushka pse nuk ka garë.
      Porti i Durrësit është mall i pazotë. Kur nuk ke gjak e djersë për të mirën tënde e shet, e fal, e shpërdoron, është prona e gjithë shqiptarëve.

      Dashuri patriotike për vendin, por është dhe detyrim kushtetues që ky vend ka. Ka lidhur me Europën, me perëndimin me ata të cilët do t’i presë më 6 dhjetor, me ata që iu betua një javë më parë se sa hapa para ka bërë. Është detyrim nga MAS, e nënshkruar nga ky vend që na detyron të gjithëve ta respektojmë për të bërë garë. për t’ia rritur vlerën nëse është rasti, për të marrë maksimumin e parasë që aq shumë ka nevojë ky vend. Po, ka nevojë për para e financime ky vend. Është pasojë e qeverisjes së tij që në këtë vend nuk vjen asnjë investitor. Ka vetëm biznesmenë që iu thyhen këmbët.

      I keni votat do ta votoni. Si ka mundësi që ky investitori që mund të jetë një emër i nderuar, se nuk e di, si ka mundësi i vetmi investitor strategjik nga 34 që keni dhënë deri tani, nuk ia keni mbuluar me ligj klientelizmin dhe tutelën që po i bëni që po jepni pasuritë e shqiptarëve. Këtij i dhënkemi dhe një mbulesë ligjore. Arsyeja e thjeshtë. Të shpërndajë përgjegjësinë penale dhe me ju të tjerët, me të gjithë ata që do ta votojnë këtë ligj. Se ndryshe nuk ka si të shpjegohet. na vjen një investitor me qilim fluturës me 80 mln euro për 818 mijë metra katrorë. E ndërkohë sa fitojmë ne, sa fitojnë shqiptarët, në rastin më të mirë 280 mln euro, është një pasur e vlerësuar sot 780 mln. Pas 20 vitesh jallah po të marrim 280 mln euro. Kjo është të përdorësh portin e Durrësit, Shqipërinë si mall pa zot. Dhe vjen këtu me pathosin e madh patriotik me bejte të dikurshme duke shitur këtu aktin e madh që po bën për të mirën e Shqipërisë, për ta zhvilluar. Siç bëri me inceneratorët, plehrat ishin, plehrat janë. Ca njerëz do duhen t’i nënshtrohen drejtësisë. Thirrja ime është për ju, deputetë të maxhorancës, që thjesht merrni kartonin për të votuar, kujdes, jo vetëm fajësimi publik, turpi moral, por edhe përgjegjësia penale do bjerë mbi ju, nëse nuk votoni në interes të zgjedhësve tuaj dhe pasurisë publike. Garë moj garë!

      Ç’qenka ai njeri me gjithë gamilet e veta, me gjithë qilimin e vet që ti i fal 60 mln për strehimin social, që duhet të shkojë për të pastrehët e Durrësit. Nuk mund të bëhesh avokati mbrojtës i Alabaar. E ke për detyrim kushtetues, ligjor, moral të jesh mbrojtës i pasurisë së shqiptarëve. Ti ke ndërruar rolet, je bërë avokat i atyre. na takon ne ta mbrojmë. Në fakt do u takonte këtyre deputetëve të cilët kanë kërcitur e kanë ikur", tha Alibeaj. 

    • VIDEO

      Tiranë/ Lëviznin me 2 pistoleta në ‘Range Rover’, në pranga 4 të rinj! Të dënuar më parë për plagosje dhe armëmbajtje pa leje

      Katër të rinj kanë rënë në prangat e policisë së Tiranës pasi qarkullonin me 2 armë zjarri në makinë ndërsa mbanin 2 kallashnikovë në banesë.

    • VIDEO

      Merr flakë banesa në Torovicë të Lezhës, zjarrfikësit kalojnë përmes rrugës së përmbytur për të shuar flakët

      Një banesë në katin e parë te një pallati ish-kampi i te burgosurve në Torovicë të Lezhës është përfshirë nga flakët. Nga zjarri, fatmirësisht nuk pati persona të lënduar, por vetëm dëme materiale. Zjarrfikësve ju desh të kalonin rrugën e cila është e përmbytur për të shkuar në vendin e ngjarjes. Ndërhyrja e tyre bëri që flakët të mos përhapen në banesa të tjera, ndërsa ende nuk dihen shkaqet e këtij zjarri.

      •  
    • VIDEO

      Kuvendi në seancë, pedagogët protestë para parlamentit, kërkojnë rritje pagash

      Në një kohë kur është mbledhur kuvendi, pedagogët po protestojnë përpara godinës dhe kërkojnë rritje pagash.

    • VIDEO

      Aksident në Vlorë, mjeti përplas këmbësoren! Lëndohet 60-vjeçarja

      Një aksident është regjistruar mëngjesin e kësaj të enjteje në bulevardin ‘Ismail Qemali’ në Vlorë.

    Për lajme të tjera kërkoni në arkiv