• VIDEO

    Gjendet i vrarë një 34-vjeçar në Fushë-Krujë, kishte plagë me armë zjarri në këmbë! Familja e gjeti në mëngjes në një kanal

    Një 34-vjeçar, Indrit Ndoj është gjetur i vrarë mëngjesin e sotëm në Fushë-Krujë. 34-vjeçari është gjetur këtë mëngjes nga familjarët e tij në një kanal të zonës. Ndoji dhe familja e tij nuk raportohet të kenë konflikte, por ende mbeten të paqarta rrethanat sesi ka ndodhur kjo ngjarje.

  • VIDEO

    Shfuqizohen komisionet “Bezhani” dhe “Mezini, i hapet rrugë ri verifikimit të politikanëve që dyshohen si bashkëpunëtorë të ish Sigurimit

    Kuvendi i Shqipërisë ka miratuar pak minuta më parë me 94 vota pro dhe 1 abstenim Propozimin e Partisë Socialiste për shfuqizimet e komisioneve “Bezhani” e “Mezini”, duke i dhënë të drejtë Autoritetit të Dosjeve të rivlerësojë figurën e zyrtarëve të pajisur me certifikatë pastërtie. Projektligji erdhi pas kërkesës së autoritetit pasi doli një dosje me një spiun të sigurimit me iniciale I.M që dyshohet se është ish-Presidenti Ilir Meta. Gjithashtu u miratuan edhe amendamentet e propozuara bashkërisht nga PD dhe PS që çdo kush mund të kërkojë dosjen e tij, por duhet ta argumentoj pse e kërkon dhe nëse të dhënat do të dalin në publik e të keqpërdoren, do të mbajë përgjegjësi.

    •  
  • VIDEO

    Bylykbashi: Kjo që po bëhet sot me dosjet është tentativë për të marrë 84 vota! S’bëhet drejtësi me to

    Deputeti i Rithemelimit u shpreh se në seancën e Kuvendit teksa po flitet për dosjet, është thjesht një truk për të marrë 84 vota. Nuk bëhet drejtësi me to, sipas tij.

    ‘Këtu dëgjova po bëhet drejtësi me dosjet. Jo! Nuk është e vërtetë. Shikoni amendimin, pra kur të dojë institucioni e hap dosjen. Ne kemi pr/ligj që jo vetëm i hap dosjet, por ndalon kandiminim, ndalon emërimin dhe largon nga detyra nëse janë ish bashkëpunëtoret. Duhet një mur turpi për këtë kategori njerëzisht, kjo do ishte drejtësi. Nuk po i ndalojmë kriminelët e sistemit të marrin institucion. Kjo që po bëhet sot është një tentativë për të marrë 84 vota, që do duhen edhe për ndryshimet në reformën ën drejtësi që po bëhen pa komision në tryeza okulte.’- tha Bylykbashi.

  • VIDEO

    Kryeministri Rama në kuvend , diskutohet projektligji për hapjen e dosjeve

    “Komunizmi një nga të këqijat më të mëdha e ka bërë pas vdekjes. Duke pjellë komunistë anti komunistë. Dhe jo më kot Havel thotë se më i ziu i komunistëve është komunisti anti komunist. Mu kujtua At Zef Pllumi i cili ka thënë ‘Don më dit kush ka bashkëpunu më shumë me ta, nigjo kush ulëret më shumë prej tyne’. Mjafton të marrësh ulëritësin nr. 1 që nuk do të hapen këto dosjet e mbrojtura nga SHIK dhe sa ka ulëritur si antikomunist dhe nuk e bëri edhe duke pasur 8 vite rresht. Ai lustracioni është akt barbarie që është rrëzuar kohë përpara sesa ta tentonte pjella anti komuniste e komunistit nga GJEDNJ.  Ai lustracioni është njësoj si klithmat për të mbrojtur Kosovën kur votuar raportin e Marty, ai lustracioni është fiks si kjo pamja këtu në sallë. Ku e ke Oerd ‘non grata’? Pse nuk vjen ai këtu që t’i japë rrugë hapjes së dosjeve, që janë dosje të personave me rëndësi që nuk hapen dot. Kjo është ironia e at Zef Pllumit, se ne i kemi hapur dosjet. Ka vetëm një kategori dosjesh që janë të pahapura, dosje të disa figurave të shtetit të pajisur me certifikatë sigurie që rezultojnë në dokumentet e ish-sigurimit. Dëshiron ti ta dish kush është shtetasi I.M, mbase është ai ose mbase nuk është ai. Të çlirohemi të gjithë nëse shtetasi I.M nuk është ai që të gjithë i shkon mendja. Pse të mos e hapim. Ndërkohë që ka që në vitin 2015 që pa përjashtim të gjithë viktimat e persekutimit komunist të shkojnë të marrin dosjen e tyre. Dhe ata ka edhe një kufizim që hiqet sot, që kanë të bëjnë me deklasifikimin e dokumenteve sekrete. Pse nuk vjen këtu Partia e Liries dhe Liria e Partisë këtu? Sepse nuk e kanë dashur kurrë hapjen e dosjeve sepse kanë dashur që sa më shumë hije të vijnë vërdallë”, tha Rama.

  • VIDEO

    Shkodër/ Shembet ura e Rragamit, 300 banorë të izoluar! Mbetën të bllokuar për rreth disa orë edhe dy turistë të huaj që vizitonin zonën

    “Ne kemi mbetur të bllokuar për dy ditë. Është hera e parë që ne vijmë në Shqipëri.  Njerëzit këtu janë shumë miqësore. Ura është thyer ne duhet të kthehemi në Gjermani, kemi punë për të bërë. Është pak vështirë me një makinë të vjetër që kemi ne. Kështu që kemi mbetur të bllokuar dhe nuk mund të shkojmë në shtëpi.

    Unë jam nga Gjermania. Ne jemi udhëtare dhe kemi mbetur të bllokuar këtu që nga e marta. Ne kaluam në atë urë dhe brenda pak orësh ajo urë u rrëzua. Është dashur të flemë këtu përgjatë natës”, shprehet një turist tjetër”, u shprehen turistët.

    Banorët kërkojnë ndërtimin e urës së re nga bashkia, ndërsa me kontributin e tyre kanë nisur hapjen e një rruge provizore për tu lidhur me Shkodrën.

  • VIDEO

    ‘Requiem’ i Verdit, për herë të parë në ‘Opera’! Artistët e Teatrit e ata italianë bashkohen me Orkestrën dhe Filarmoninë e Kosovës

    E krahasojnë me Kapelën e Sistinës së Mikelanxhelos,  e në të nuk ka vetëm muzikë, “Messa da Requiem” e Giuseppe Verdit për herë të parë jetësohet në Teatrin e Operas. Një requiem shpirtëror që sjell tallazet e jetës së Verdit, e vdekjet që mbërthyen familjen e tij, por edhe pozicionin laik mbizotërues në Evropën e viteve ‘800.  

  • VIDEO

    Alibeaj u kërkon ndjesë shqiptarëve: Për hapjen e dosjeve jemi kokulur, s’ka asgjë për triumf! Kërkojmë integrimin, por duhet ta kishim bërë më parë

    Kreu i Grupit Parlamentar të Partisë Demokratike, Enkelejd Alibeaj u kërkoi ndjesë shqiptarëve që e kishin vonuar hapjen e dosjeve të sigurimit të shtetit. Nga foltorja, Alibeaj tha se nuk ka asgjë që duhet trajtuar si triumf, por karhi shqiptarëve, duhet të jemi kokulur për të gjitha viktimat që u lanë në harresë në regjimin komunist.

    ‘Asgjë triumfaliste nuk ka në këtë çështje, nuk do bëj falenderim. Madje unë jam kokulur për hapjen e plotë të dosjeve. Dhe kështu duhet të jenë të gjithë, kokulur.

    (…) Asgjë triumfaliste ka sot nëse arrijmë këtë detyrim të mohuar dhe gjithsecili nga ne duhet të bëj dhe të ulë kokën. Ajo që ne kemi sugjeruar për hapjen e dosjeve të kujtdo nuk është thjesht ndarja simbolike me komunizmin e diktaturën por është një detyrim moral.

    Historia është ajo që nesër mund dhe nëse është e suksesshme duhet të na falenderojë. Nuk bëhet thjesht hapja e dosjeve për të parë se kush kanë qenë shërbyesit, hapen për të parë, ekzekutorët, ekspertët, gardianët e burgjeve, të cilët vdekjen e njerëzve të pafajshëm e kishin bukën e ditës.

    Do duhet ta hapim, do duhet të gjejmë kurajën se kush nuk është i kapur se kush nui ka skelete në dollap. Në 2022 vendi i cili kërkon integrimin në Evropë duhet ta kishte bërë më parë këtë gjë. Është fillimi i një procesi purifikues.(…) na falni shqiptarë kudo, ju të cilët keni vuajtur, ju që keni hequr të zinjtë e ullirit nga punëtorë e bashkëpunëtorë të Sigurimit. Ndjesë!’- tha Alibeaj

  • VIDEO

    Sherr në studio, Noka: Genta Sula skllave e Ramës! Vangjeli: Shërbëtore ekselente e qytetarit

    Çështja e dosjes së Ilir Metës dhe sjellja e Autoritetet të dosjeve dhe kryetares së saj ishte tema e një debati të ashpër mes deputetit Flamur Noka dhe gazetarit Lorenc Vangjeli në emisionin ‘Kontrast’ në Report Tv. Noka akuzoi drejtuesen e Autoritetit të Dosjeve si skllave të Ramës, ndërsa Vangjeli tha se ajo është një shërbëtore ekselente e qytetarit.

  • VIDEO

    Vdekja e të riut në duart e policisë, Vangjeli: Duhet respekt, dhembjen e ngushëllon vetëm e vërteta! Noka: Vrasja shtetërore, fshehin të vërtetën

    Vdekja e 32-vjeçarit Lear Kurti  gjatë mbrëmjes së kaluar teksa ishte shoqëruar nga policia ishte pjesë e debatit sot në ‘Kontrast’ në Report Tv. Gazetari Lorenc Vangjeli u shpreh se politika, edhe në këtë ngjarje, bëri atë që ka bërë gjithmonë, shamatën dhe sherrin e saj. Vangjeli bëri thirrje për zbardhje sa më parë, pasi vetëm përmes së vërtetës ngushëllohet dhembja.

  • VIDEO

    Berisha në mbrojtje të Shehajt: Ia vunë shiritin në biznes si bandit, pa dokumente pa fakte

    Ish-kryeministri Sali Berisha ka komentuar në Kuvend deklaratën e deputetit të opozitës Agron Shehaj se qeveria i mbylli biznesin. Berisha tha se ia kanë vënë shiritin si banditë, pa dokumente e fakte dhe ia mbyllën atë biznes pa marrë parasysh se mbante me paga 200 familje.

    “I vënë shiritin si bandit pa asnjë dokument, pa provë pa fakt. I mbyll ndërmarrjen paçka se janë 200 familje që mbahen me rroga. Pse çuditeni ju, është trashëgimtar i së keqes ky, s’ka nomra, moral, s’ka ligj”, tha Berisha.

    •  
  • VIDEO

    Akuzat për Kovaçin, Berisha: Edhe Damian Gjiknuri ka qenë SHIK-s, po unë s’ja përmend

    Sali Berisha ka komentuar akuzat që po bëhen ndaj Sandër Kovaçit, i cili është në krye të protestës së pedagogëve. Berisha tha se Rama sulmon si i tërbuar opozitën, ndërkohë që u ndal edhe tek Damian Gjiknuri, duke thënë se edhe ai ka qenë pjesë e SHIK.

    “Edhe Damian Gjiknuri ka qenë pjesë e SHIK, po unë s’ja përmend. Ka shërbyer dy vite apo tre vite, ja quaj meritë, edhe për punën që ka bërë në fshehtësi, edhe atë ja quaj meritë! Ka tre ditë që u thotë shqiptarëve se Kovaçi ka punuar në shik në drejtimin e tij. Sulmon si i tërbuar kundërshtarët politikë. Bën gjyqin, e opozitarëve njëri pas tjetrit”, tha Berisha.

  • VIDEO

    Vdekja e të riut/ Salianji: Ka ngjashmëri me vrasjen shtetërore të Klodian Rashës! Deputeti i del në mbrojte Shehajt: Pse nuk rrethon kullat e Tiranës?

    Deputeti demokrat, Ervin Salianji e krahason vdekjen e të riut Lear Kurti pas arrestimit nga policia me atë që ai e quan “vrasje shtetërore të Klodian Rashës”.

    Në fjalën e tij në Parlament, Salianji thotë se ligji funksionon vetëm për të varfrit ndërsa i doli në mbrojtje deputit Agron Shehaj duke thënë se policia duhet të  \rrethojë kullat në mes të Tiranës.

    “Po bëjnë një rast të ngjashëm me vrasjen shtetërore të Klodian Rashës. Policia e Shtetit në atë kohë bëri një komunikatë publike ku tha se iu gjet një armë pistoletë. Duket sikur jemi përpara të njëjtave kushte dhe përpara përgjegjësisë të të njëjtëve njerëz dhe drejtues.

    Këtu pa diskutim që duhet ta ritheksojmë se ligji funksion vetëm për ata që nuk kanë para dhe janë të varfër.

    Ja ku i keni Kullat në mes të Tiranës, nuk shkon ti vërë shiritin, por shkon tek bizneset e deputetit. Shkojnë tek këta që nuk kanë mundësi. E kemi denoncuar prej javësh, nuk shkon policia për kontrabandës në naftës që bëhet nga Libia”, tha Salianji.

Për lajme të tjera kërkoni në arkiv