• VIDEO

    'Mos e ngatërro bravën me gojën', Spiropali: Berisha dhe Basha e njëjta uthull brenda një shisheje, nuk i blen më njeri

    Ministrja e Shtetit për Marrëdhëniet me Parlamentin, Elisa Spiropali  në fjalën e saj në Kuvend ka hedhur akuza në drejtim të Lulzim Bashës dhe Sali Berishës.

    “Është shumë për të qeshur kur zoti Lulzim Basha del këtu dhe jashtë kuvendit dhe flet për trekëndëshin e bermudës që ka penguar procesin e vettingu ndërsa dje bënte rolin e fëmijës dhe fshihte kokën se s’dinte c’të bënte por sot është këtu për ta votuar. Është e habitshme sesi ju tjetër bëni, tjetër mendoni tjetër bëni, ju tjetër bëni tjetër bëni. Doni me bërë ndryshimin e madh mes njëri tjetrit, por nuk ndryshoni aspak, jeni e njëjta uthull në të njëjtën shishe uthull që thyen enën e vet.

    Dalllim mes jush donte ta bënte dhe Saliu, që pretendonte se jeni të ndarë në dy gota, por jo jeni e njëjta shishe uthulle që nuk e blen më njeri, sa keq për ju sa keq për të gjithë por nuk kemi çfarë të bëjmë. Sali Berisha nuk e krijoi partinë por e sundoi, i vjen habi se duhet që të kishte ikur por e mbajte ti Lulzim, ndarja jote nga Luli Brava siç e quan ti nuk është ndarje përfundimtare.

    Po c’taksirat kemi sot që kemi ardhur për të votuar një proces që nuk është partiak dhe ju e kishit në dorën tuaj kush ishte kryeministri, ne kemi bërë një ndryshim rrënjësor të sistemit ky është dhe problemi juaj. Sa herë që hapni gojën bën mirë mos e ngatërrosh gojën me bravën që e shqyen si bravë sa herë që del këtu”, ka thënë ajo.

  • VIDEO

    Nënë Liza nga minibashkia e njësisë 8: Nuk e firmosa kontratën ishte e njëjta, nuk ndryshoi! Jam plakë, por nuk gënjehem

    Nënë Liza nga minibashkia e njësisë 8 tha se pavarësisht se i dorëzuan marrëveshjen, ajo refuzoi ta firmoste, pasi ishte e njëjta dhe nuk plotësonte kushtet e protestuesve.

    “Më ftoi Dritan Danka, administrator, na ka marrë kryeministri me firmos kontratën. Unë e dija që nuk do të ndryshonte kontrata, unë jam plakë, po nuk gënjehem.”, u shpreh ajo.

  • VIDEO

    Berisha: Jam pro investimeve amerikane, por të bëhen me tender të hapur

    Sali Berisha ka nxituar që të flasë sërish nga foltorja e Kuvendit ku është shprehur se ai është pro investimeve amerikane, por sipas tij duhet të bëhen me tender të hapur.

    ‘Kreu i Meduzës nuk ndodhet këtu, sepse don Agaçio dhuratmadhi dhe Gjeneral Lisi ishin si mishi me thoin. Dua të shpreh një mirënjohje antimafias italiane e cila po ecën me vendoshmëri drejt kreut të Meduzës. Antimafia italiane është në veprim. Për Skavicën ti je fajtori numër një i projektit për mbytjen e të gjithë tokave pjellore të Dibrës. Unë jam pro investimeve amerikane, por të bëhen me tender të hapur.’- tha Berisha.

  • VIDEO

    Tabaku-Manjës: Lërini dibranët të votojnë të qetë, se do dilni prap në përgjime! Basha e mbështet pas fjalimit: Bravo

    Nënkryetarja e PD-së, Jorida Tabaku i ka kthyer përgjigje Ulsi Manjës që i kujtoi Lulzim Bashës se kanë ardhur prokuror belg për ta marrë në pyetje lidhur me dosjen 'Toyota Yaris'.

    "Më dëgjoni, lërini njerëzit të votojnë, se mos dilni në përgjime të tjera, kujdes Ulsi se Dibra është akoma në monitorim", tha Tabaku.

    Ndërkohë, që dëgjohet edhe Basha teksa i thotë "Bravo".

  • VIDEO

    Ministri i Drejtësisë: Shtyrja e afatit të vetingut deri më dhjetor 2024

    Ministri i Drejtësisë, Ulsi Manja tha se afati i shtyrjes së vettingut do të jetë deri në dhjetor 2024, ndërsa mbeten ende mbi 300 subjekte për t'u rivlerësuar.

    " Rezultatet e procesit të vetingut janë të prekshme. Për vettingun nuk ka më kthim pas, jemi në fund të këtij procesi, pavarësisht vonesave që ka paraqitur ky proces. Mbeten mbi 300 subjekte për t'u rivlerësuar, 60 % e subjekte kanë dalë nga sistemi. Konsiderojmë një kohëzgjatje të arsyeshëm duke caktuar një afat konkret mbarimit të vetingut që është dhjetori 2024", tha Manja.

  • VIDEO

    Braçe i ashpër në Kuvend: Çmimet e plehrave kimike janë rritur! Karteli grumbullues ka zaptuar tregun, 1 kg domate del nga sera me 65 lekë, këtu shitet me 250 lekë

    Deputeti Erion Braçe ka zhvilluar një interpelancë në Kuvend me ministren e Bujqësisë Frida Krifca, ku ka ngritur shqetësimin e rritje së çmimeve të plehrave kimike për prodhimet bujqësore. Braçe po ashtu u ndal edhe tek grumbulluesit e prodhimeve bujqësore, për të cilët tha se kanë zaptuar tregun.

    ‘Ju të komisionit të regjistrimit të pelhrave kimike. Tre ndërmarrje kanë importuar plehra kimike dhe duke i hedhur këto plehra kimike me çmime të rritura. Kam tre probleme. E para ka të bëjë me kartelin e grumbulluesve që ka zaptuar tregun. Gjatë kohës që domatja del me 65 lekë dhe shitet me 250 lekë. Ky është problemi. Në rast se grumbulluesit taposin tregun me çmime të larta, produktet do mbetet në serë. Çdo shitje nga sera dhe deri atje matanë është informale. Nuk ka një faturë të formalizuar që të shoqërojë gjithë zinxhirin e shpërndarjes. Nga 60 lekë -250 lekë e detyron konsumatorin të ulë konsumin dhe prodhimi mbetet në sera. Këtu shitet me 250 lekë domatja dhe njerëzit atje nuk marrin lekët. E treta është humbja e krahut të ri të punës, pasi të rinjtë po ikin në Malin e Zi dhe punojnë me 40 euro dita.’- tha Braçe.

  • VIDEO

    'Pas takimit me Ramën nënë Lizën e mori minibashkia', banori: I kërkuan të firmosë një kontratë

    Një qytetar pjesë e protestës kundër shembjes së banesave të tyre, tha ne megafon se pas takimit me kryeministrin Edi Rama Lizën e kanë marrë në telefon nga minibashkia e njësisë 8 dhe i kanë thënë që të shkojë të firmosë një kontratë.

     
  • VIDEO

    Protestuesja nga Bashkia e Tiranës: Dyert mund t’i mbyllni me zinxhir, por jo fjalën e lirë! Nuk kemi dalë kundër pushtetarëve, kërkojmë vetëm të drejtën tonë

    Një protestuese përpara bashkisë së Tiranës kundër shembjes së banesës së saj, tha se nuk ka dalë të protestojë kundër pushtetarëve, por vetëm për të mbrojtur banesën e saj. Ajo tha se fjala e lirë nuk mund të mbyllet me zinxhir dhe do të protestojnë derisa kërkesat e tyre të merren seriozisht.

    “I themi parlamentarëve tanë se mund t’i mbyllni të gjitha dyert me zinxhirë, por fjalën e lirë nuk e mbyllin dot me zinxhir. Ne po protestojmë prej 5 muajsh për pasurie tonë që e kemi të shenjtë. Nuk kemi dal të protestojmë kundër pushtetarëve, Kërkesa: Le të ndërtohet projekti, por përpara se ta bëni çdo veprim duhet të mbroni qytetarët. Nuk jemi përfitues, po kërkojmë vetëm një të drejtë imediate, protestat do të vijojnë deri në momentin që do të marrin një përgjigje serioze nga një shtet aspak serioz.”, u shpreh ajo.

  • VIDEO

    Banorët e '5 Majit' që ishin në takim me Ramën: Nuk na dëgjoi fare, na thoshte 'pusho'! Nënë Liza: S'i besoj, fjalët i merr era

    Banorët që ishin në takim me kryeministrin Edi Rama kanë dalë të zhgënjyer nga takimi, duke thënë se ai nuk i dëgjoi fare.

    "Nuk morëm asnjë garanci, ai tha do e merrni, nuk e besoj gjallë, fjalët i merr era, nuk do dalim nga shtëpia, nuk morëm asnjë kontratë. Kur të vij Bashkia me avokat me të gjitha, ndryshe jo se nuk kam mundësi për të falë shtetit", tha Nënë Liza.

    “Mbaje mend emrin tim Laurela Nikoli dhe nuk kam për ta lënë çështjen me kaq. Rama u përplasëm me Maznikun. Gjatë bisedës me kryeministrin, ai na tha vetëm ‘pusho, pusho’. Më tha “Ti ke një kasolle, çfarë pret nga ajo?” Nuk na dha asnjë shpresë, duke na thënë vetëm ‘do t’i merrni’. Kërkova të filmoja takimin, por ndërhynë badigardët dhe nuk më lejuan, duke më thënë se ‘nuk lejohet filmimi’ Ka folur vetëm nëna Liza, pastaj Rama është ngritur dhe ka ikur. Mashtrues je ti dhe babai yt më tha Rama.”

    "Nuk më linte të flas, fliste vetëm me nënën Lizën, ne jemi me shkollë, kemi të drejtë të mbrojmë pronat tona. Nuk më linte të flas, më thoshte ti e ke të mbaruar çështjen, por unë nuk e kam të mbaruar, i thashë ose nuk vini me avokat që të firmosin dokumentet. ai na thoshte "pusho", i thashë që kam të drejtën e fjalën, se është e drejta e njeriut", u shpreh një tjetër.

  • VIDEO

    Basha mbërrin në SPAK, do t'u japë 'llogari' prokurorëve belg për deklaratat për dosjen e 3.4 milionë eurove në ‘Toyota Yaris’! Hetuesit e huaj prej 3 ditësh në Tiranë

    Belgjika nuk heq dorë nga zbardhja e dosjes "Toyota Yaris", ku u kapën 3.4 milionë euro në Durrës. Burime për Report TV konfirmojnë se prokurorët belg kanë kërkuar të marrin në pyetje Lulzim Bashën, i cili ka shkuar pasditen e sotme për të dëshmuar në SPAK. Pjesë e hetimeve është edhe pastrimi i parave në Shqipëri të një grupi kriminal të trafikut të drogës, ku dyshohet se janë të përfshirë edhe zyrtarë.

    • VIDEO

      Balluku: Projekti për ndërtimin e Portit të Durrësit, punëson 12 mijë persona, do ndërtohen edhe 12 mijë banesa sociale

      Ministrja Belinda Balluku tha se investimi në Portin e Durrësit vjen nga kompania Syphony, pranë e Mohamed Alabbar dhe në këtë projekt do të punësohen  12 mijë persona,  përgjatë të gjitha fazave të ndërtimit. Pjesë e projekti do jenë edhe 12 mijë banesa sociale përveç  5 hoteleve edhe objekteve të tjera.

      "Investimi vjen nga kompania Siphony, që është pronë e z. Alabar. Është një projekt që përfshin 79 hektarë nga Porti i Durrësit. Ndërtimi i marinës dhe strukturave akomoduese synon punësimin e 12 mijë punonjësve, përgjatë të gjitha fazave. Projekti do të përbëhet nga mbi 12 mijë banesa sociale, 5 hotele, dhe gjithsej 850 dhoma, përfshin 80 mijë metra katror park dhe hapësira, të përhapura 700 metra plazh të gjatë dhe 280 për anije. Faza e projektit përfshin zhvillimin e një zone prej 23 hektarë në fazën e parë. Porti i peshkimit është pjesë e projektit, nuk do të preket, nuk do të ndërtohet aty, do të përmirësohen vetëm strukturat. Aty është parashikuar ngritja e një strukture të përgjithshme, që do të ofrojë shërbime. Janë marrë të gjitha masat edhe për të mos pasur konflikt. Faza e parë parashikon ngritjen e 4 mijë apartamenteve. Projekti do të përmirësojë pamjen e qytetit, ekonominë e gjithë vendit, e mbi të gjitha do të kthejë Shqipërinë në pikën më atraktive turistike", tha Balluku.

    • VIDEO

      Votë pro 'Vettingut': Për hir të integrimit në BE! Trekëndëshi i Bermudës bëri gjithçka që të largonte ONM nga Shqipëria

      Lulzim Basha flet pas mbledhjes me grupin e PD-së.

      Ai u shpreh se trekëndëshi i Bermudës, duke iu referuar kryeminitrit Edi Rama, Sali Berishës dhe Ilir Metës bënë gjithçka të largojnë ONM nga Shqipëria e vettingu të shkojë në drejtim të paditur.

      Kryedemokrati theksoi se kjo nuk është votë për PS, por një shans për integrimin europian të vendit.

      "Trekëndëshi i Bermudës ka bërë gjithçka që të largojë ONM nga Shqipëria dhe që vettingu të shkojë në drejtim të paditur, me të gjithë problemet me anëtarët e kpk dhe KPA të korrptuar, ka vetëm një shans që Shqipëria të bëhet pjesë e Europës, që kriminelët të mos jenë në parlament, nuk është drfejtësia që duam, po do ishte me keq nëse ky proces do mbetej në mes dhe do të ndwrprehej integrimi Europian i vendit, për hir të integrimit europian të vendit do bëjmë gjithçka, po i japim shansin një drejtësie që të ringjrihet. Sot kuvendi do të kalojë edhe miratimin e 2 komisioneve të rëndësishme që janë prioritete të Shqipërisë për reformën zgjedhore dhe rindarjen territoriale të Shqipërisë, nuk janë vetëm zotime e mia, por të gjithë shqiptarëve, reforma zgjedhore arsyeja pse jemi në parlament, gjatë fushatës për zgjedhjet , shqetësim i qytetarëve ka qenë reforma territoriale. Vettingu në politik, ndalimi që kryeministri të ketë më shumë se 2 mandate, ndryshimi i sistemit zgjedhor, një sistem i pastër mazhoritar janë pjesë e një pakete më të gjerë kushtetuese, nuk mund të ndodh në kushtet kur kishte ardhur kërkesa për zgjatjen e vettingut në drejtësi, se lidhet me disa aspekte proceduriale", tha Basha.

    Për lajme të tjera kërkoni në arkiv