-
VIDEO
Rama nxjerr videon nga sheshi Skënderbej: Ja mbrëmjet e Tiranës
Kryeministri Edi Rama ka ndarë në rrjetet sociale një video të atmosferës në kryeqytet gjatë orëve të mbrëmjes. Në video shfaqet një artist që performon me violinë dhe me tingujt e ëmbël të saj argëton qytetarët e Tiranës në sheshin Skëndërbej.
-
VIDEO
Një vit pandemi, nuk dihet ende numri i të papunëve! Institucionet vendase japin të dhëna kontradiktore
Një vit nga karantina e vitit të kaluar dhe ende nuk ka një shifër të saktë se sa të papunë prodhoi viti 2020, i cili mbylli me dhjetëra biznese dhe ekonomia pësoi një recesion -3.3%.
Fillimisht ministrja e Financave Anila Denaj tha se në muajit e karantinës numri I të papunëve arriti në 87 mijë por që më pas një pjesë e tyre u rimorën përsëri në punë.
Të dhënat e institucioneve janë kontradiktore, pasi INSTAT, Instituti i Sigurimeve Shoqërore si dhe Ministria e Financave japin nga një version të ndryshëm në shifra.
Më kontradiktore janë të dhënat e vetë INSTAT, i cili rreth 2 muaj më parë raportonte se numri i të papunëve në vitin 2020 ishte më shumë se 43 mijë persona. Në raportin e fundit për të njëjtën periudhë (viti 2020) ky institucion njofton se janë 23 mijë të papunë.
Të tjera të dhëna vijnë për tregun e punës nga Instituti i Sigurimeve Shoqërore, i cili i referohet daljes nga skema e sigurimeve. Në raportin vjetor të tij numri i të papunëve ishte më shumë se 34 mijë qytetar.
Ndërkohë nga ana tjetër ministrja Denaj pa përmendur shifra konkrete tha në seancën parlamentare të 8 shkurtit 2021 foli për rritje punësimi dhe mbyllje të vitit me balancë pozitive.
Sipas raportit të fundit të INSTAT pandemia COVID-19 ka rritur me 0.2% nivelin e papunësisë në vend duke e çuar në 11,7%, ndërsa në total sipas tij në Shqipëri është 164 mijë e 613 persona. Kjo shifër është më e ulët se një vit më parë kur raportohet për 165 mijë të papunë.
NUMRI I KONTRIBUUESVE
Viti 2019 781,924
Viti 2020 747,875
Diferenca -34.049
NUMRI I TË PUNËSUARVE/ RAPORTI 2
Viti 2019 1,266 mijë persona
Viti 2020 1,243 mijë persona
Diferenca -23 mijë persona
NUMRI I TË PUNËSUARVE/ RAPORTI 1
T4 2019 1,274,857 persona
T4 2020 1,231,452 persona
Diferenca 43.405 persona
NUMRI I TË PAPUNËVE
Viti 2019 165 mijë persona
Viti 2020 164 mijë persona
Diferenca -1 mijë persona
-
VIDEO
Yuri Kim ndan videon me mjetet e ushtrisë nga Defender 21: Është bukur të shohësh aleatët dhe partnerët të forcojnë ndërveprimin
Kim shkruan se aty shihet se si anijet pompojnë karburant, duke shtuar se kjo është një nga stërvitje më të mëdha që zhvillohet për herë të parë në Evropë që nga Lufta e Dytë Botërore. Sakaq ambasadorja nënvizon se është mirë të shohësh Aleatët dhe Partnerët të mprehin aftësitë dhe të forcojnë ndërveprimin
-
VIDEO
Sezoni turistik, Brataj: Jemi drejt vlerësimit të lirimit të masave! Sipas ecurisë, do të kemi një verë pa maska
Kreu i Urgjencës, Skënder Brataj dhe sot lajmin e mirë se këtë verë mund të mos jemi të detyruar për të mbajtur maskën, të paktën për ambientet jashtë. I ftuar në "Report TV", Brataj tha se situata me COVID është drejtë përmirësimit dhe se për këtë vlerëson se sipas opinionit të tij, do të kemi një verë pa maska.
-
VIDEO
Jo më leje por vetëm njoftim, Gjykata Kushtetuese shfuqizon nenin 262 të Kodit Penal për protestat e tubimet: Të korrigjohet brenda 6 muajsh
Kush proteston apo organizon mitingje nuk do të ketë më detyrimin të marrë leje nga institucionet ligjzbatuese por thjesht duhet t'i njoftojë ato. Vendimi është marrë sot nga Gjykata Kushtetuesja e cila ka pranuar kërkesën e Gjykatës Apelit Shkodër dhe ka shfuqizuar nenin 262 të Kodit Penal për protestat.
-
VIDEO
Rajmonda Bulku dhe Vladimir Prifti rrëfejnë Guljem Radojan! Artistët: Zgjodhi të ikte pa zhurmë! Lapidari i roleve të tij, Petro Nini Luarasi
Aktori Guljem Radoja u shua pas luftës së gjatë me Covid 19. Artistët teksa rrëfejnë kujtimet e tyre më të, e cilësojnë ikjen e tij një pakujdesi të institucioneve shqiptare, ndaj kësaj figure që i dha shumë artit dhe kinematografisë sonë.
-
VIDEO
Sot 5 Maji, Dita e Dëshmorëve të Kombit! Rama: Respekt përjetësisht! Meta: Dita e mijëra të rinjve që dhanë jetën për lirinë! Basha, homazhe te varrezat
Sot, është Dita e Dëshmorëve të Kombit që kanë dhënë jetën e tyre për liri, demokraci, të drejtat e njeriut dhe dinjitetin e çdo shqiptari. Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare
-
VIDEO
5 Maji në rrethe, socialistët homazhe në varrezat e dëshmorëve në qytetet kryesore! Në Shkodër ceremoni me simbole komuniste, akuza Voltana Ademit
Në mbarë vendin janë kryer homazhe në nderim të të rënëve në Luftën Nacional- Çlirimtare. Edhe ky 5 Maji e gjeti të ndarë politikën, ku nëpër ceremoni morën pjesë vetëm socialistët. Në Shkodër nuk munguan as simbolet komuniste apo akuzat për kryebashkiaken e djathtë.
Veteranët në Shkodër kanë përkujtuar 5 Majin, ditën e Dëshmoreve. Ashtu si çdo vit tjetër politika ka qene e ndarë ku munguan përfaqësuesit e opozitës dhe të bashkisë. Të pranishëm në ceremoni, krahas Prefektes Majlinda Angoni dhe dhe Kryetarit të qarkut ishin edhe idhtarët e diktatorit Hoxha, të cilët nderuan me simbolet e komunizmit.
Anëtarja e këshillit bashkiak Dhurata Tyli dhe Zamir Llazani, Kryetari i Shoqatës së veteraneve Zamir Llazani hodhën akuza ndaj kryebashkiakes Ademi.
Në Durrës përfaqësues të veteranëve të luftës, kryebashkiakja Sako, prefekti Nasto dhe deputetë të qytetit kryen homazhe në Mauzoleumin e Dëshmorëve. Të pranishmit kanë parakaluar përpara pllakave përkujtimore të heronjve dhe dëshmorëve të Durrësit.
Nën tingujt e bandës frymore të qytetit,u kryhen homazhe dhe u vendosën kurora me lule pranë memorialit dhe varrezave ku prehen të rënët në qytetin e Beratit. Në ceremoni morën pjesë drejtues të pushtetit vendor, familjarë të dëshmorëve dhe veteranë të LANÇ, ndërsa kanë munguar përfaqësuesit e së djathtës.
5 Maji është përkujtuar dhe në qytetin e Fierit ku janë vendosur kurora me lule në obeliskun e varrezave te deshmoreve. Merrnin pjesë zv/ministri i Mbrojtjes, Petro Koci, kryebashkiaku Armando Subashi dhe deputetë të PS-së. Në nderim të dëshmorëve u bënë homazhe në Varrezat e Dëshmorëve të rindërtuara në qytetin e Kukësit.
-
VIDEO
100 familje e 30 biznese ngrihen në protestë për sinjalistikën në Korçë: Kemi frikë nga fluksi i makinave pranë terminalit
Mungesa e sinjalistikës rrugore dhe trafiku i rënduar pranë terminalit të linjës së autobuzave kanë bërë që banorët e lagjes 19 në Korçë të ngrihen në protestë duke kërkuar vendosjen e vijave të bardha dhe tabelave
-
VIDEO
U dënua për skandalin e CEZ-DIA, Gjykata e Lartë rrëzon rekursin e Kastriot Ismailajt! Mbeten të konfiskuara 5 milionë euro
U dënua për skandalin e CEZ-DIA, Gjykata e Lartë rrëzon rekursin e Kastriot Ismailajt! Mbeten të konfiskuara 5 milionë euro
Gjykata e Lartë ka rrëzuar rekursin e Kastriot Ismailajt për të rimarrë mbi 5 milionë euro që gjykata ia kishte të konfiskuara.
Gazetari i Report Tv, Arsen Rusta raporton se llogaritë bankare ku janë konfiskuar miliona eurot ishin në emër të Kastriot Ismailajt, nënës Lutfije Ismailaj dhe gruas së tij Vojsave, si dhe kompanisë ADC (ADRIATIC DEVELOPMENT CORPORATION LTD), një prej kompanive që ai përdorte për transfertat e parave që merrte nëpërmjet DIA.
Kastriot Ismailaj është dënuar në vitin 2017 me 11 vite burg për “mashtrim me pasoja të rënda” dhe “pastrim të produkteve të veprës penale”. Gjykata ka urdhëruar edhe sekuestrimin e 5 milionë eurove. Ai ishte administrator i kompanisë DIA, e ngarkuar për mbledhjen e borxheve të CEZ, ku u përfshi në një skemë mashtrimi, duke shkatërruar edhe raportet mes shtetit shqiptar dhe CEZ, me kosto të madhe për buxhetin e shtetit.
Ai u arrestua në 12 maj të vitit 2015 nga Sektori i Pastrimit të Parave dhe ai i Krimit Ekonomik dhe Financiar ne Policinë e Shtetit për veprën e mashtrimit në shuma të mëdha dhe pastrimit të produkteve të veprës penale. Në 6 muaj, 9 kompani private përfituan nga CEZ-i 12 milionë USD nga kontratat për mbledhjen e borxheve të papaguara. Pjesën më të madhe të fondeve e ka marrë “Debt International Management”, me administrator Kastriot Ismailaj, 649 milionë lekë, ose gati 6.5 milionë dollarë.
Nga “Debt International Advisori” paratë kanë dalë nga Shqipëria duke hyrë në llogaritë e dhjetëra kompanive të tjera, që veprojnë në rreth 15 shtete. Sipas burimeve nga prokuroria, bëhet fjalë për shuma financiare që ka dyshime të forta se i përkasin njerëzve të politikës dhe personave VIP në Shqipëri, pasi kjo kompani fantazmë nuk ka kryer as vjeljen e borxheve të “CEZ Shpërndarje”, për të justifikuar transfertat, aq më tepër që shuma e transferta është shumë më e madhe se 5 milionë euro.
Kastriot Ismailaj, nën “maskën” e marrëveshjes me kompaninë çeke, “CEZ Shpërndarja”, për mbledhjen e borxheve kreu mbi 100 transaksione bankare, para këto që kanë qenë të personave të rrethit shoqëror të tij.Rendit zhvillimet sipas orarit:
-
VIDEO
Plagosi çiftin Laze në Allias, ekstradohet nga Kosova i riu! Ishte kthyer në 'makthin e Tiranës', autor i mbi 500 vjedhjeve
TIRANË- 24-vjeçari për shumë vite ishte makth për banorët e kryeqytetit, sidomos për pronarët e vilave në periferi të Tiranës. Ai ishte në kërkim prej muajsh, teksa të mërkurë Cungu u ekstradua në drejtim të Tiranës. Gjykata e ka dënuar në mungesë me plotë 25 vite burg për “Mbajtja pa leje dhe prodhimi i armëve, armëve shpërthyese dhe i municionit”, “Vjedhja me armë”, e kryer në bashkëpunim e mbetur në tentativë, “Plagosje e rëndë me dashje” dhe “Plagosje e lehtë me dashje”.
Markeljan Cungu është autor i më shumë se 500 grabitjeve. E fundit ishte ajo e 19 janarit 2020 në zonën e Alliasit. Në tentativën për të vjedhur me armë banesën e çiftit Petrit dhe Afërdita Laze, mbetën të plagosur burrë dhe grua. Cungu ka qëlluar me automatik në drejtim të të tyre pasi këta të fundit ndjen lëvizjet kur bashkë me Fatjon Mertënikajn kishin hyrë në banesë. Pas ngjarjes gjithçka u zbulua përmes analizave të AND-së,
Autori u arratis dhe për muaj me radhë ishte në kërkim nga policia. Cungu, njëlloj si “suksesi” që kishte patur për të vjedhur banesat, ia doli që të kalonte edhe përtej kufirit, çfarë detyroi Policinë e Shtetit t’a shpallte në kërkim ndërkombëtar. Pas muajsh kërkimi, 24-vjeçari u prangos në Kosovë, në fund të muajit dhjetor të vitit të kaluar dhe sot u ekstradua.
24-vjeçari për disa vite ka jetuar në Gjermani, i arrestuar edhe më parë. Emri i tij ka qenë një ndër më të lakuarit në të gjitha komisariatet e Tiranës. Referuar të dhënave të policisë, vetëm në territorin e Komisariatit nr. 3 rezultojnë mbi 70 vjedhje me autorësi të tij dhe në total në të gjithë Tiranën janë mbi 500 të tilla.
-
VIDEO
Fushë- Krujë/U dëmtua nga tërmeti, por nuk lejon pallatin të shembet! Babai i ish-kandidatit të LSI, pronar i fasonerisë kërcënon sekretarin e Bashkisë
FUSHË KRUJË- Biznesmeni Muharrem Hoçja, babai i ish-kandidatit për deputetë të LSI, një person problematik në Fushë-Krujë është vënë në hetim pasi ka kërcënuar sekretarin e Bashkisë në Krujë, Florind Cerhozin. Report Tv ka mësuar Hoçja ka pasur konflikte të vazhdueshme me Bashkinë që kulmuan ditën e djeshme, ku arriti që të kërcënonte punonjësin.
E gjitha ka nisur kur Hoçja ka shkuar në zyrën e Bashkisë për të kërkuar një vërtetim për taksat vendore. Ky dokument i është refuzuar, pasi rezultonte debitor, ndaj Muharrem Hoçja është konfliktuar verbalisht me Cerhozin. Burimet saktësuan se "mosmarrja e vërtetimit ka shërbyer si pretekst pasi biznesmeni është konfliktuar edhe herë të tjera me zyrtarët vendorë, për shkak të një pallati 9-katësh".
Sipas ekspertizës së bërë nga Bashkia dhe Prokuroria, pallati është shpallur i pabanueshëm pas tërmetit të 26 nëntorit. Mirëpo, Hoçja nuk ka qenë dakord që ky pallat 9 katësh, (5 kate të shitura, 4 të tjera i ka ende në pronësi), të shembet. Madje ai ka shkuar edhe më tej, duke i bërë një ekspertizë te një kompani private, që e ka shpallur si të banueshme. Mos pajisja me dokument dhe ky konflikt për pallatin, solli përplasjen e Hoçës me sekretarin e Bashkisë, për pasojë u vu në hetim.
Report Tv mëson se Hoçja, babai i ish-kandidatit për deputet të LSI, Durim Hoçja, njihet si një person problematik në zonë, ku i kanë djegur banesën e i kanë vënë tritol disa herë, teksa ka e dhjetëra çështje të hapura në gjykatë e prokurori me komshinj, qytetarë, punonjës, bashkëpunëtor të tij. Ndërkohë, djali i tij, ish- kandidati i LSI-së, Durim Hoçja ka qenë i proceduar në 2014 për plagosje, por çështja e tij është mbyllur në gjykatë në mënyrë të mistershme.