• VIDEO

    Gatime nga zonja Albana, Bizele me patate të reja

    Bizele me patate të reja

    Përbërësit:

     1 kg bizele

    500 gr patate

    2 lgj gjalpë

    kripë, piper, kopër

    Përgatitja:

    Paralelisht vendosim në zjarr dy tenxhere me ujë të vluar me kripë ku ziejmë bizelet dhe patatet të prerë në kubikë të mëdhenj. Pasi bizelet dhe patatet të kenë zier i kaurdisim për 2-3 minuta në një tigan me gjalpë. Rregullojmë shijen me kripë, piper dhe kopër dhe e servirim si sallatë. 

  • VIDEO

    Gatime nga zonja Albana, Embëlsirë me petë me aromë portokalli

    Embëlsirë me petë me aromë portokalli

    Përbërësit

     1 pako peta

    4 vezë

    120 gr sheqer

     350 gr kos

    250 ml vaj

    3-4 copë lëkurë portokalli

    pluhur pjekje

    sheqer vanilje

    Për sherbetin:

     400 gr sheqer

    200 ml lëng portokalli

    600 ml ujë, kanellë

     1 portokall për dekor

    Përgatitja:

    Fillimisht thërrmojmë petët në copëza të vogla dhe i vendosim në një tavë të thahen. Ndërkohë rrahim vezët me sheqerin për rreth 5 minuta derisa sheqeri të tretet. Shtojmë më pas vajin, kosin, lëkurën e portokallit dhe pluhurin pjekës. E trazojmë mirë dhe masën e përgatitur e hedhim mbi petët e copëzuara. E përziejmë me kujdes dhe e vendosim tavën në furrë të parangrohur për 40-45 minuta. Pasi piqet e shpojmë vende-vende me majën e një thike ose piruni dhe e lemë të ftohet plotësisht. 

    Ndërkohë përgatisim sherbetin. Vendosim ujin, lëngun e portokallit dhe sheqerin të ziejnë. Sapo sherbeti të fillojë të marrë valë shtojmë 1 shkop kanelle dhe disa feta portokalli. E lemë sherbetin në zjarr për rreth 15 minuta dhe më pas sherbetosim ëmbëlsirën. 

  • VIDEO

    'Shtypi i Ditës dhe Ju', ja çfarë shkruajnë gazetat për sot e mërkurë 19 janar 2022

    Titujt e gazetave për sot, nga deklarata e Erdogan trazon Komunitetin Mysliman te Ilir Meta drejt shpalljes non grata e deri tek kanabisi drejt legalizimit?

  • VIDEO

    Zgjedhjet në 6 bashki, anëtari i Këshillit Kombëtar: Me krizën në PD, Basha do mund të fitonte vetëm dy! Malko: Pas Berishës, kryedemokrati do ketë makthe të tjera

     

    Përparim Çaça e konsideroi situatë absurde sulmin e mbështetësve të Berishës ndaj Bashës, në kushtet kur ai po zhvillon takime me demokratët. Mbështetësit e Berishës ai i krahasoi me 'vullnetarët e Enverit'. Ish-anëtari i Këshillit Kombëtar, Gent Malko u shpreh se Berisha nuk do të jetë 'makthi' i fundit i Bashës dhe se të tjerë e presin atë. Nga ana tjetër, për Aulon Kalanë, anëtar i Këshillit Kombëtar, shqetësim mbetet fakti se Bsha lëviz i shoqëruar me polici.

  • VIDEO

    Polemikat për vizitën e Erdogan/ Kriza në PD,Basha goditet me vezë

     

    Emisioni Repolitix trajtoi dy tema, :-Polemikat që pasuan vizitën e presidentit turk Erdogan në Tiranë dhe “ Kriza në PD, Basha goditet me vezë nga mbështetësit e Berishës”. Të ftuar Gent Malko, Përparim Çaça, Fatos Klosi dhe Aulon Kalaja.

  • VIDEO

    Vizita e Erdogan në përvjetorin e vdekjes së Skënderbeut, analistët në ‘Repolitix’: Nuk ishte provokim! Të jemi mirënjohës për investimet! Partneriteti mes dy vendeve nuk shihet si rrezik

    Vizita e presidentit turk, Recep Tayyip Erdogan në të njëjtën ditë me përvjetorin e vdekjes së Skënderbeut solli shumë reagime se ishte një provokim edhe pse kryeministri Edi Rama i hodhi poshtë duke thënë se ishte një rastësi. Ky debat ishte fokusi i diskutimin në emisionin ‘Repolitix’ në Report Tv.

  • VIDEO

    Helmimi i qenve në Korçë, Sazan Guri: Njerëz brenda bashkisë mund t’i kenë vrarë! Piliçni: Helmimi i kafshëve, vepër penale, duhet të adresohet

    Ambientalisti Sazan Guri, e cilësoi këtë ngjarje si makabre, ndërsa vuri gishtin tek njerëz brenda bashkisë, ndërsa theksoi se është pikërisht përgjegjësi e bashkisë së Korçës. Guri tha se e vetmja zgjidhje me qentë endacakë është të mos vriten, por t’u jepet një zgjidhje për strehimin e tyre. Madje sipas ambientalistit, kjo ligësi mund të behet vetëm nga njerëz që janë të dhunuar.

  • VIDEO

    Harta e re gjyqësore, avokatët debat në Report Tv, Duraj: Shkurton shpenzimet nga buxheti i shtetit, të shmanget rekurset e padobishme! Qafa: Sjell rritje të kostove për qytetarët

    Harta e re gjyqësore do të reduktojë ndjeshëm numrin e gjykatave në vend, por kjo nuk është përkrahur nga pjesa më e madhe e avokatëve. Por përveç zërave kundër, ka edhe pro saj, ku në një intervistë për Report Tv, dy avokatët Ilir Qafa dhe Alban Duraj kanë treguar përfitimet por edhe problematikat e hartës së re gjyqësore.

  • VIDEO

    Fluks pacientësh në qendrën shëndetësore nr.6, mjeku për Report Tv: Rriten rastet me COVID tek fëmijët, mosha më e prekur 5 deri në 14 vjeç

    Virozat e stinës kanë sjellë fluks pacientësh në qendrat shëndetësore. Mjeku i familjes, Besar Hysi tha për Report Tv se fluksi është rritur pas festave dhe po vihet re një rritje e rasteve me COVID tek fëmijët.  

  • VIDEO

    Protesta e 8 janarit, Kadilli në Report Tv: Turp e trishtim për të ardhmen! Basha dhe Berisha, luftë kush do marrë peng opozitën! S'kanë moral, s'janë shpresë për asnjë demokrat

    Për Fatbardh Kadillin, Basha dhe Berisha janë njerëz pa moral politik. Sipas ij, kjo betejë mes tyre është 'tradhtia' më e madhe që ata po i kanë bërë demokratëve

     

  • VIDEO

    Pa Gjurme-Zhduken dy adoleshente/Një nga Vlora,tjetra nga Tirana.Dyshohet se të miturat…

     

    Ende asnjë gjurmë për 16-vjeçaren Eliza Tozaj, e cila humbi gjurmët nga Vlora mesditën e 14 janarit të këtij viti. Edhe përgjatë kësaj të marte Entela Tozaj nëna e adoleshentes është thirrur nga policia. Pak minuta pas daljes nga ambjentet e komisariatit ’Pa Gjurmë’ realizoi një lidhje të drepërdrejtë ku ajo zbuloi të tjera detaje. Rasti i të premtes është i përsëritur për 16-vjeçaren, pasi ajo ishte larguar edhe më datë 12 janar, por u gjet nga blutë e Vlorës në qytetin e Orikumit fal njoftimit bërë nga banorët për lëvizjet e të resë e vetme në qytet. Nëna e saj tha për ’Pa Gjurmë’ se Eliza ishte lidhur me një djalë më të madh në moshë, lidhje e cila nuk kishte marr dakortësinë e familjes dhe për këtë kishin debatuar. 16-vjeçarja ikën për herë të dytë, të premten e 14 janarit, sapo kishte mbaruar mësimin. Nëna e saj dyshon tek djali me të cilin mesa duket adoleshentja kishte krijuar një raport.

  • VIDEO

    Pa Gjurme-Humb kontaktet me të dashurën, i riu kuksian shpërthen në lot:Ku je Xhesi?

     

    Një dashuri e pamundur nga një histori e pazakontë është ajo e dy të rinjve 25-vjeçares Xhesi Enxhi nga Rubiku dhe 29-vjeçarit nga Kukësi Edison Sulmataj, i cili është në kërkim të saj. Një lidhje në distancë, gati platonike, kjo marrëdhënie nuk u finalizua kurrë pasi dy të rinjtë nuk mundën të takoheshin për shkak të fatkeqësive që ndodhën njëra pas tjetrës. Ata u njohën 7 vite më parë krejt rastësisht, nga një numër telefoni. Zëri i vajzës nga Rubiku do t’i bënte përshtypje djalit nga Kukësi. Kaq mjaftoi që të dy të nisnin bisedat e gjata me telefon deri në orët e vona të natës. Ata vendosën që të finalizonin njohjen e tyre me një takim që nuk ndodhi kurrë. Ditën që vendosën të shiheshin ballë për ballë 29-vjeçari Edison Sulmataj humbi nga kjo jetë babain e tij. Si për ironi të fatit, pak ditë më pas 17-vjecarja mbetet e dëmtuar rëndë në kokë pas një aksidenti automobilistik në Rrëshen. Ajo dërgohet me urgjencë në Tiranë, por nevoja për trajtim më të specializuar e bëri të udhëtonte në një spital në Stamboll. E shoqëruar nga vëllai i saj Ylberi, që nga ai moment Enxhi ka vazhduar trajtimet spitalore në Turqi për vite me radhë. Ajo arriti të lidhte kontaktet me Edisonin, sërish në distancë duke i premtuar një bashkim të mundshëm.

Për lajme të tjera kërkoni në arkiv