Ambasadori i ri i BE-së vjen në Tiranë, Luigi Soreca takon Metën dhe prezantohet zyrtarisht në detyrë

Ambasadori i ri i Delegacionit të Bashkimit Europian, z.Luigi Soreca i paraqiti Letrat Kredenciale Presidentit Meta. Ambasadori i ri i BE-së në Tiranë, Luigi Soreca i ka dorëzuar zyrtarisht letrat Kredenciale, presidentit të vendit, Ilir Meta.

Me pranimin e Letrave Kredenciale nga Meta, Soreca prezantohet zyrtarisht në detyrë si pasues i Romana Vlahutin. Në një njoftim të shpërndarë për mediat nga zyra e shtypit të Presidencës thuhet se:

“Presidenti shprehu kënaqësinë që Bashkimi Evropian ka përzgjedhur si përfaqësues të tij në vendin tonë një nga njohësit dhe  bashkëpunëtorët më të afërt të Shqipërisë dhe rajonit ndër vite, dhe me kontribut të spikatur për suksesin e liberalizimit të vizave me BE.

LEXO EDHE:
Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

Presidenti Meta theksoi se përparimi urgjent në çështjet e shtetit të së drejtës dhe zhvillimit të qëndrueshëm ekonomik janë domosdoshmëri për vendin, dhe përshpejtojnë agjendën integruese të vendit.

Kreu i Shtetit nënvizoi rëndësinë e dyfishimit të përpjekjeve të brendshme dhe rritjen e bashkëpunimit pozitë-opozitë për avancimin e reformave kyçe që do të mundësojnë realizimin e objektivit për çeljen e negociatave vitin e ardhshëm.”

Dorëzimi i Letrave Kredenciale nga Luigi Soreca tek Meta

TAG:
• Ilir Meta
• Luigi Soreca
• letra kredenciale

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  5%

Vota total: 4066

• Sondazhi i ditës:

  A ka politika frikë nga SPAK-u?

  Po Jo Nuk e di