Presidentja Vjosa Osmani denoncoi autoritetet serbe për mbajtjen peng për disa orë të 5 policëve të Kosovës, ndërsa zv.drejtori Dejan Jankoviç nuk është liruar ende. Duke i quajtur serbët shovinistë, Osmani u bëri thirrje ndërkombëtarëve të ndërhyjnë. Situatën Omani ia përcolli në një takim edhe ambasadorit amerikan Hovenier, i cili u shpreh i shqetësuar për këtë ngjarje.
“Ne jemi të shqetësuar sepse atë e njohim tash e disa vjet për investimin e kohës dhe energjisë për komunitetin serb dhe Policinë, duke ndihmuar dhe siguruar integrimin e suksesshëm të forcës policore që u shërben të gjithëve. Ai ka pasur rol të rëndësishëm në sigurimin e ndjeshmërisë ndaj etnitetit serb dhe se Policia e Kosovës u përgjigjet dhe u ofron mbrojtje. Ai pati rol edhe në ofrimin e mbrojtjes për monumente kulturore, përfshirë dhe manastiret ortodokse serbe, në një mënyrë të fuqishme dhe me plot kuptim. Ne jemi shumë të shqetësuar dhe shpresojmë që ai të lirohet”, tha ambasadori para mediave.
Edhe kryeministri Albin Kurti tha gjatë mbledhjes së qeverisë se i kishte parashikuar provokimet serbe, por ato u intensifikuan pas votës pro anëtarësimit të Kosovës në Këshillin e Evropës.
“Lajmi i fundit që na vjen është se të gjithë policët e ndaluar, tashmë janë liruar përveç zëvendëdrejtorit Jankoviq. Ai po mbahet në burg në Serbi. Veprimi hakmarrës i Serbisë është menduar edhe si akt me qëllim të përshkallëzimit të tensioneve. Kjo sepse Serbisë nuk i konvenon normaliteti, paqja dhe qetësia në rajon, e sidomos në Kosovë”, tha Kurti.
Ministri i Punëve të Brendshme i Kosovës, Xhelal Sveçla, e quajti këtë akt si një sulm të drejtpërdrejtë të Serbisë ndaj pjesëtarëve të vet brenda Policisë së Kosovës.
Ndërkohë një tjetër incident ndodhi kë të shtunë në Zveçan të Kosovës, ku një serb iu hodh lëndë plasëse, siç tha ai për shkak se ka marrëdhënie pune me shqiptarët.
Më 17 prill, autoritetet në Kosovë bënë të ditur se dhjetë zyrtarë policorë të Kosovës – shqiptarë dhe serbë – ishin ndaluar nga autoritetet serbe. Pesë prej tyre u liruan po atë ditë.
Lajme të tjera
-
Scholz: Hapa konkretë për themelimin e Asociacionit, të rëndësishëm për anëtarësimin e Kosovës në Këshillin e Evropës
30 Prill, 07:37 -
Instituti Ndërkombëtar Republikan: Kosova dhe Shqipëria, vendet më pro-perëndimore në Ballkanin Perëndimor
29 Prill, 21:01 -
Kurti bisedë telefonike me kancelarin gjerman, kërkon mbështeje për anëtarësimin në KiE
29 Prill, 14:03 -
Kosovë/ Arrestohet një serb, akuzohet për krime lufte në Gjakovë
27 Prill, 20:52 -
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë
26 Prill, 21:24 -
Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV
26 Prill, 19:11
-
7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët
26 Prill, 10:49 -
Mero Baze: Defaktorizimi i shqiptarëve në Maqedoni për tu faktorizuar Albini
25 Prill, 21:03
-
Rritet presioni ndaj Kosovës për themelimin e Asociacionit
25 Prill, 15:58 -
A ka ndryshuar qëndrimi i Francës karshi Kosovës ndër vite?
25 Prill, 13:55 -
Kosovë/ Përplasi për vdekje me makinë 44-vjeçarin, i riu nga Elbasani dyshohet se e bëri për hakmarrje! Arrestohet për vrasje
25 Prill, 13:19 -
Heqja e dinarit serb, nis në Bruksel takimi trepalësh mes kryenegociatorëve të Kosovës dhe Serbisë
25 Prill, 12:43
