Procedohen drejtuesit e arsimit në Lezhë e Mirditë, ja shkaku

Jetojmë në vitin 2018 por një shkollë në fshatin Orosh të Mirditës ende nuk ka energji elektrike. Shqetësimin prifti Dom Genci i fshatit Orosh të Mirditës, e bëri në forumin e qytetarëve për sigurinë publike ku ishte i pranishëm dhe ministri i Brendshëm, Fatmir Xhafaj dhe ambasadorja e BE-së, Romana Vlahutin.

Shkak sipas Dom Gencit ishte fakti që një familje nuk lejonte të kalonte linja e energjisë elektrike aty. Një denoncim i tillë e vuri në siklet drejtorin arsimor, i cili reagoi menjëherë duke deklaruar se të gjitha shkollat e Mirditës ishin rikonstruktuar dhe se një problem i tillë nuk do pengonte integrimin.

Por në krah të priftit doli ambasadorja Romana Vlahutin, e cila nënvizoi se gjendjen e keqe të disa shkollave, e kishte parë dhe me sytë e saj madje i këshilloi kryebashkiakët para se të blejnë makina të shtrenjta, të investonin në shkollat e fëmijëve, disa prej të cilave janë në gjendje skandaloze. 

LEXO EDHE:
Energji e rinovueshme për objektet publike në Mirditë, BE mbështet realizimin projektit

Ndërkohë Ministria e Arsimit, Sportit dhe Rinisë pas ngritjes së shqetësimit publik në lidhje me mungesën e energjisë elektrike në shkollën Orosh të Mirditës, ka bërë verifikimet në terren duke konstatuar të drejtë problematikën e ngritur.

Nisur nga ky shqetësim konkret, gjatë një takimi publik të zhvilluar në Lezhë, Ministria e Arsimit Sportit dhe Rinisë ka nisur procedimin disiplinor me motivacionin “Mospërmbushja e detyrave, mosmarrja e masave për situatën e krijuar nga mungesa e energjisë elektrike për një periudhë të gjatë në shkollën Orosh, që ka cënuar mbarëvajtjen e procesit mësimor”, ndaj Drejtorit të Drejtorisë Arsimore të Lezhës, Bardhok Pulaj dhe Drejtorit të Zyrës Arsimore të Mirditës.

Ndërkohë në komunikim zyrtar me OSHEE, MASR garanton se shumë shpejt situata në shkollën e Oroshit do të marrë zgjidhje.

( Dokumenti, i Ministrisë së Arsimit, Sportit dhe Rinisë )

TAG:
• mirdite
• shkolla
• bardhok pulaj

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.9%

• Keq

  60.9%

• Nuk e di

  14.2%

Vota total: 1636

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di