Merkel-Ramës: Mbështesim Shqipërinë, por plotësoni disa kushte deri në qershor

‘Gjermania vlerëson reformat dhe mbështet integrimin e Shqipërisë në BE, por për hapjen e negociatave duhet të plotësoni edhe disa kushte deri në qershor’. Ky ishte mesazhi i kancelares Angela Merkel gjatë takimit me kryeministrin shqiptar Edi Rama mesditën e sotme në Berlin.

Takimi Rama-Merkel zgjati 90 minuta, ndërsa para tij u zhvillua konferenca për mediat, ku kancelarja gjermane vlerësoi progresin e bërë nga Shqipëria. Merkel deklaroi se në javët në vazhdim Gjermania do të japë vendimin e saj për Shqipërinë nëse është pro apo kundër hapjes së negociatave në qershor.

 
Konferenca e Kryeministrit, Edi Rama me kancelaren gjermane Angela Merkel

Të gjitha vendet e Ballkanit Perëndimor duhet të kenë një perspektivë evropiane për të qenë anëtar të Bashkimit Evropian. Komisioni propozoi më 17 prill që negociatat e pranimit me Shqipërinë të mund të hapen. Ne do ta diskutojmë atë në Këshillin Evropian në fund të qershorit.

Ekzistojnë një numër parakushtesh për të hyrë në negociatat e pranimit. Shqipëria ka punuar tashmë shumë për disa kushte. Ekzistojnë disa kushte për fillimin e negociatave të pranimit. Ne do të japim opinionin tonë përfundimtar gjatë  javëve të ardhshme nëse ka ende gjëra për të bërë, nëse ka progres të mjaftueshëm dhe gjithashtu ta diskutojmë këtë me homologët tanë evropianë.

Takimi i sotëm është shumë i rëndësishëm për mua, për të parë nga vetë kryeministri se si ai e sheh zbatimin e kushteve, dhe se si ne mund të vazhdojë të mbështesim Shqipërinë në reformat; sepse ne e kemi bërë gjithmonë atë dhe dëshirojmë ta bëjmë përsëri. 

Angela Merkel

Gjatë fjalës së saj, Merkel ka vlerësuar reformën në sistemin e drejtësisë, që ka nxjerrë jashtë sistemit deri tani disa gjyqtarë dhe prokurorë, ndërsa shtoi se kontrolli duhet të shtrihet edhe mbi policinë me procesin e vettingut që ka nisur.

Më lejoni të them në mënyrë eksplicite se Shqipëria ka bërë disa reforma të rëndësishme, një prej tyre është  Reforma në Drejtësi, vlerësimi i gjyqtarëve dhe prokurorëve. Kjo gjithashtu forcon sistemin ligjor në tërësinë dhe besueshmërinë e tij. Ne e dimë se tani kontrolli do të zgjerohet edhe në polici. Unë vetëm mund ta inkurajoj Kryeministrin të vazhdojë në këtë rrugë.

Sundimi i ligjit në përgjithësi, por edhe lufta kundër korrupsionit dhe krimit të organizuar, kjo është me rëndësi të madhe për Shqipërinë dhe popullin e saj. Kjo gjithashtu krijon mundësi për rritje ekonomike. Kjo krijon potencial për besim dhe besueshmëri, për investitorët. Kjo krijon mundësi për të rinjtë, të cilët duhet ti kemi mbi të gjitha në mendje.

Ne nuk do të flasim për vetëm Shqipërinë, por sigurisht edhe për këtë zonë, rreth situatës në Bosnjë dhe Hercegovinë, në Kosovë, Serbi dhe natyrisht mbi pritjet e samitit në Sofje. Gjermania dëshiron të mbështesë. Gjermania dëshiron të jetë e dobishme, në mënyrë që ne të mund të shohim me të vërtetë progresin që ne duhet të marrim një vendim në qershor.

Angela Merkel

       Takimi Rama-Merkel

Kryeministri Rama kërkoi ndihmën e kancelares duke thënë me bindje se Shqipëria e meriton nisjen e bisedimeve.

Në takimin tonë të parë këtu, ka qenë prill 2014, ne kemi folur edhe për reformën në drejtësi dhe një vit më pas në Tiranë për Vettingun. Falë edhe mbështetjes së Gjermanisë, Shqipëria ka kryer një reformë të thellë në drejtësi, dhe konsiderohet edhe model për vendet e tjera të Ballkanit.

Ndërkohë ne kemi nisur me rezultate inkurajuese zbatimin e Vettingut, për këto kemi marrë rekomandimin pozitiv, pa kushte nga KE. Shpresoj që do të marrim edhe mbështetjen e Gjermanisë në qershor. Ne e dimë që nuk është fundi, por një fazë e re për ta merituar një ditë integrimin në BE. Shqipëria nuk duhet të humbasë kohë për hapjen e negociatave, pasi e kemi merituar dhe hyjmë në një fazë ku kemi shumë për të bërë.

Edi Rama

Kryeministri Rama e mbylli konferencën e Ramës me modifikimin e shprehjes së Pashko Vasës.

Është një vend ku të dy myslimanët dhe të krishterët, qoftë nga veriu apo jugu i Shqipërisë, kanë të njëjtën fe. Dhe kjo fe është Evropa.

Edi Rama

Rama ka pasur një takim edhe me presidentin e Budestagut gjerman, ku do të shqyrtohet vendimmarrja për Shqipërinë, si dhe me Komisionin për Cështjet e BE-së. Një ditë më parë Rama takoi në Tiranë presidentin e Këshillit Europian, Donald Tusk, i cili u shpreh se është optimist për vendimmarrjen e qeverisë së vendeve anëtare të BE dhe Parlamentit Europian në muajin qershor. 
 

FJALA E PLOTE E RAMES DHE MERKELIT NE BERLIN

Zonja dhe zotërinj, jam e gëzuar që sot dhe këtë mund ta them me gëzim, që Kryeministri shqiptar është përsëri në Gjermani dhe në një kohë të rëndësishme. Neve na është dashur shumë kohë për krijimin e qeverisë, por tani mund të punojmë vërtet ashtu si duhet. Mund të them se kemi marrëdhënie dypalëshe shumë të ngushta, për të cilat dhe dëshiroj të shpreh falënderimin tim.

Kryeministri ishte më parë në Parlament. Ne tani do të diskutojmë bashkë. Në vitin 2018 kemi pasur jubileun e 30-vjetorit të bashkëpunimit ekonomik gjermano-shqiptar. Gjermania vazhdon të jetë akoma shumë e angazhuar, ashtu si deri më sot, por do të flasim, në radhë të parë, edhe për të ardhmen e rajonit, ashtu sikurse edhe për Samitin e Ballkanit Perëndimor në 17 Maj.

Unë mendoj se të dy duhet të falënderojmë shumë presidencën bullgare, e cila kujdeset në mënyrë të pabesueshme shumë për çështjet thelbësore të rajonit, çka ka çuar në atë që të kemi një rritje të vazhdueshme të vizitave të politikanëve europianë drejt rajonit.

Ne do të këshillohemi sesi do të operojmë më tej në procesin e të ardhmes europiane të Shqipërisë. Ju e dini se ne jemi të bindur se të gjithë shtetet e Ballkanit Perëndimor duhet të kenë një perspektivë europiane, që edhe ato një ditë të mund të bëhen anëtare të Bashkimit Europian. 

Komisioni më 17 Prill ka propozuar që të mund të nisin negociatat e anëtarësimit me Shqipërinë. Për këtë, ne do duhet të konsultohemi me Këshillin Europian në fund të qershorit. Që të mund të hapen negociatat e anëtarësimit ka një sërë parakushtesh. Shqipëria disa i ka plotësuar fort. Ka parakushte të caktuara për hapjen e negociatave të anëtarësimit. Gjatë javëve të ardhshme, ne do të krijojmë mendimin tonë përfundimtar, nëse ka akoma disa gjëra që duhen realizuar, apo a është bërë përparim i mjaftueshëm. Për këtë do të flasim edhe me kolegët tanë europianë.

Takimi sot, për mua është shumë i rëndësishëm, pasi do të mësoj nga vetë Kryeministri sesi e sheh ai plotësimin e parakushteve të ndryshme dhe sesi ne do të mundim që në këtë rast ta mbështesim Shqipërinë në realizimin e reformave, ashtu sikurse dhe sot. Këtë e kemi bërë e do të vazhdojmë ta bëjmë edhe më tej.

Unë dua ta them shprehimisht se Shqipëria ka bërë reforma të rëndësishme dhe se nëpërmjet tyre janë arritur përparime.

Kemi folur edhe në takimin e fundit për këto, si për shembull, këtu e kam fjalën për sistemimin e drejtësisë, sepse nëpërmjet reformës në drejtësi, forcohet tërë integriteti dhe besueshmëria e tij. E dimë se procesi i vetting-ut tani po zgjerohet edhe në polici. Unë vetëm se mund të inkurajoj Kryeministrin dhe të vazhdojë këtë rrugë.

Kemi folur edhe për fusha të tjera, siç është shteti i së drejtës në përgjithësi, por dhe lufta për krimin e organizuar dhe kundër korrupsionit. Unë mendoj se të gjitha këto kanë një rëndësi të madhe për Shqipërinë dhe për njerëzit e saj. Prej këtej lindin edhe potencialet për rritjen ekonomike. Prej këtej lindin edhe potencialet për korrektësinë dhe besueshmërinë për investitorët. Nga këtu do të kemi shanse më të mira për të ardhmen e të rinjve, të cilët para së gjithash duhet të mbahen parasysh.

Ne do të flasim për Shqipërinë, por sigurisht edhe për rajonin, për situatën në Bosnjë-Hercegovinë dhe natyrisht edhe për pritshmëritë që janë nga Samiti në Sofje, por dhe për takimin në korrik në Londër ku do të vazhdojë procesi i Berlinit.

Unë besoj se tashmë kemi arritur disa gjëra në rajon, e kam fjalën këtu për rrjetin rinor, ose tani më vjen në mend Samiti Dixhital që është mbajtur tani së afërmi, të cilin e kishte propozuar Kryeministri. Unë mendoj dhe besoj se do të kemi një bisedë miqësore. Gjermania do të mbështesë, Gjermania do të jetë ndihmuese, në mënyrë që të shohim vërtetë përparimet që na duhen në mënyrë që në qershor të marrim një vendin. Edhe njëherë, një mirëseardhje të përzemërt!​

Fjala e plotë e Angela Merkel

Shumë faleminderit, e dashur Angela! Është gjithnjë një moment i rëndësishëm për Shqipërinë, por dhe një emocion i veçantë për mua, vizita në këtë godinë dhe takimi me Kancelaren. Dua ta falënderoj Kancelaren që fitoi zgjedhjet dhe që është përsëri në krye të qeverisë dhe për të gjithë mbështetjen inkurajuese që i jep në vazhdimësi Ballkanit Perëndimor në tërësi, edhe Shqipërisë padyshim, në procesin e zhvillimit demokratik dhe të integrimit europian.

Fale vizionit dhe lidershipit të saj, Procesi i Berlinit e ka transformuar sot rajonin në një hapësirë ku dialogu dhe bashkëpunimi kanë njohur një progres që nuk mund të imagjinohej vetëm 5 vite më parë.

Në takimin tonë të parë këtu, – ka qenë prill i vitit 2014, – ne kemi folur edhe për domosdoshmërinë e ndërmarrjes së një Reforme të thellë të Drejtësisë dhe një vit më pas, në Tiranë, unë i kam shtruar Kancelares nevojën për të mbështetur idenë e Vetting-ut, rivlerësimit të gjykatësve dhe prokurorëve, duke kërkuar mbështetjen e saj dhe të Gjermanisë.

Sot jam krenar që edhe falë mbështetjes së Gjermanisë, vij këtu, pasi Shqipëria ka kryer një reformë të thellë të drejtësisë, e cila konsiderohet nga Komisioni Europian, qoftë në Paketën e Zgjerimit, qoftë në Raportin e fundit të Progresit, si një model për t’u shtrirë edhe në vendet e tjera të Ballkanit Perëndimor, përfshirë dhe vendet që janë aktualisht duke negociuar e ndërkohë, ne kemi nisur me rezultate shumë inkurajuese zbatimin e ligjit të Vetting-ut.

Për këto dhe për plotësimin e të gjitha detyrave të shtëpisë në këtë fazë të parë të procesit, kemi marrë rekomandimin pozitiv, pa kushte, nga Komisioni Europian për çeljen e negociatave dhe unë shpresoj shumë se do të marrim dhe mbështetjen e Gjermanisë dhe të Kancelares në qershor.

Ne e dimë fare mirë se ky nuk është fundi. Ky është vetëm momenti i mbylljes së një faze dhe hapjes së një faze të re. Ka shumë reforma, shumë ndryshime dhe shumë sakrifica që duhen bërë për ta merituar një ditë anëtarësimin në Bashkimin Europian. Por, njëkohësisht, unë kam ardhur këtu për t’i përcjellë Kancelares bindjen time se Shqipëria nuk duhet të humbasë kohë dhe energji në pritje të çeljes së negociatave, sepse e ka merituar këtë dhe sepse, duke u bërë pjesë e grupit të vendeve që po negociojnë në rajon, ne hyjmë në një fazë ku, siç e thashë, kemi jashtëzakonisht shumë për të bërë, ku marrim një energji të re dhe një mbështetje të madhe të të gjithë shqiptarëve, në një proces ku shqiptarët e shohin veten të lidhur me të ardhmen e tyre.

E kam thënë dhe e përsëris, Shqipëria është një vend ku ka myslimanë, ka të krishterë, thonë që jemi shumica myslimanë, por është vendi ku myslimanë e të krishterë, të rritur e të rinj, nga veriu e nga jugu, kanë një fe të përbashkët që është Europa.

Edi Rama

Ora 11:36
Rama mbërrin në Parlamentin gjerman, ja personi i parë që takon/ VIDEO

Kryeministri Edi Rama ka mbërritur këtë mesditë në Bundestagun gjerman, shoqëruar nga kreu i grupit parlamentar të PS, Taulant Balla. Rama është pritur në hyrje të Bundestagut nga Presidentit i Parlamentit gjerman, Wolfgang Schäuble, ndërsa pritet të takohet dhe me kancelaren Angela Merkel, në kuadër të negociatave me BE.

"Në Bundestag me Presidentin e Parlamentit gjerman, Wolfgang Schäuble", shkruan Rama në 'Facebook', shoqëruar me video.

Ora 12:41
'Make Albania great again'/Mediat gjermane shkruajnë për takimin e Ramës me Merkel

Përmes artikullit "Make Albania great again", gazeta gjermane "Die Welt" i kushton vëmendje të mërkurën vizitës së kryeministrit Rama në Berlin.

Ish-basketbollisti dhe artisti në Berlin do të synojë me sharmin e tij të bëjë për vete kancelaren Merkel që të marrë mbeshtetjen për hapjen e negociatave të anëtarësimit me Shqipërinë, shkruan gazeta gjermane.

Dhe vërtet Rama, një socialist ..ka se ç'të tregojë. Ekonomia rritet, Tirana mbushet me fasada që shkëlqejnë, një reformë në drejtësi e kërkuar nga BE ka marrë udhë...Por që ka njerëz që janë skeptikë, kur shtrohet pyetja për Shqipërinë që të bëhet sa më shpejt anëtare e BE-së, kjo lidhet edhe me histori si kjo: Në tetor prokuroria kërkoi heqjen e imunitetit të ish-ministrit të Brendshëm, Saimir Tahiri...sepse emri i tij përmendej disa herë në telefonatat mes tregtarëve shqiptarë dhe italianë të drogës.

Shkruan e përditshmja gjermane "Die Welt"

Gazeta gjermane i kushton vëmendje të gjithë zhvillimeve lidhur me rastin Tahiri dhe konkludon me përgjigjen e  Ramës kur i pyetur nga "Die Welt" lidhur me rastin e sëkëlldisshëm Tahiri thotë: "Besoj në radhë të parë se dyshimet ndaj një personi nuk mund të pengojnë përpjekjet e një vendi të tërë".

Gazeta thekson se "është një nga këto raste që e prishin dhe përcaktojnë imazhin e Shqipërisë në pjesën tjetër të Europës".

Deri më sot nuk është i hequr plotësisht dyshimi se kriminaliteti i organizuar ka kapur fort ekonominë e vendit dhe tentakulat e tij arrijnë deri në nivelet më të larta të qeverisë. Në raportin e Interpolit për vitin 2017, Shqipëria renditet ndër prodhuesit më të mëdhenj të kanabisit në Europë, ky vend përshkruhet si pikë e rëndësishme e tregtisë me kokainën dhe heroinën.

"Die Welt"

l.q./d.ba.
Komento

Komente

  • Emigrant gjermani: 26/04/2018 01:06

    PAPJEKURIA POLITIKE E RAMES DHE LOJA NE EMER TE DREJTESISE PER FSHEHJEN E TAHIRIT DEL NE PAH PRAPE ME TAKIMIN ME KANCELAREN AJO E THOTE TRC FUT TAHIRIN NE BURG QE TE HYSH NE BE RAMA BEN SIKUR NUK E KUPTON

    Përgjigju
  • Tepsia me gjelle .: 25/04/2018 21:53

    Jam dakord me ty o Rame (berisha) reforma ke bere dhe dolen gjithe ato te korruptuar dhe parate e tyre te rryshfeteve por asgje nuk po u konfiskohet as leket dhe as pronat vetem po ju jep te drejte te vazhdojne procesin ne ane private nderkohe popullit po u merren apo po hidhen ne ere 5me tritolin tend apo te miqve tuaj.

    Përgjigju
  • Gazi: 25/04/2018 18:32

    Skemi çtë themi më, përveçse në faleminderit nga zemra. Të lumtë. Ndjehemi krenar kur shohim në çfar nivelesh diskuton politika shqiptare

    Përgjigju
  • Jeton torre gjoleka: 25/04/2018 17:26

    Edi Rama je intelektual vjen nga familje intelektuale . Nuk vjen nga familje analfabetësh e familje lopçarësh siç është krimineli salhe . Shqipria me ty do heci përpara e mona bu**ja e krimineli shal ngjit do ta gjejn atë që kërkojn .

    Përgjigju
  • Ben Tironci: 25/04/2018 16:52

    Forca Edo. Pa ke per te pare si do palosen si pulat Monat Bashat Berisha. Po si pula te ngordhura ama.

    Përgjigju
    • Kruja: 25/04/2018 18:15

      Po jo o djal kuptoj gjerat me mire, Rama ka problemet te ushtaret e vet duke fillu te Beqja e me rradh, se Bashen Berishen e Monen i ka kundershtar politik, se ekonomik i ka miq