POP 5

Lajmet më të lexuara të 5 minutave të fundit

Përfundimi i mandatit të Leskajt në krye të KLSH, reagon Meta: Të qëndrojë në detyrë, deri në zgjedhjen e kryetarit të ri

Presidenti Ilir Meta

Presidenti Ilir Meta ka reaguar këtë të mërkurë për përfundimin e mandatit të kryetarit të KLSH-së, Bujar Leskaj. Ai ka kërkuar që Leskaj të qëndrojë në krye të KLSH-së deri sa të zgjidhet kryetari i ri.

Bujar Leskaj, pas përfundimit të mandatit 7-vjecar kushtetues, i dërgoi kompetencat e postit zv/kryetares Lindita Milo. (Lexo këtu) Ka qenë pikërisht kjo lëvizje e tij që ka sjellë reagimin e presidentit të vendit. 

Meta ka bërë me dije përmes një shkrese se momentalisht po shqyrtohet një kandidaturë e re për kreun e Kontrollit të Lartë të Shtetit. Më tej, ai ka rikujtuar edhe propozimin presidencial të datës 5 nëntor të vitit 2018, emrin e gjyqtares Vitore Tusha, që në seancën plenare të fundit të vitit të kaluar u hodh poshtë.

Bujar Leskaj përpara se të vendosej në postin e kreut të KLSH-së ka qenë Ministër i Turizmit, Kulturës,Rinisë dhe Sportit (2005-2007) dhe anëtar i Delegacionit të Përhershëm të Parlamentit në Asamblenë Parlamentare të NATO-s (2007-2009).

 

Kthim përgjigja e presidentit Ilir Meta mbi ushtrimin e mandatit nga Kryetari i Kontrollit te Lartë të Shtetit, Bujar Leskaj 

a.s.
Komento