Politikë

Presidenti i Republikës, Bajram Begaj, iu drejtua sot në mënyrë të veçantë të rinjve në mesazhin për Ditën Ndërkombëtare të të Drejtave të Njeriut.

Kryetari i demokratëve euroatlantikë, Lulzim Basha, ka akuzuar ashpër lidhjet mes politikës dhe krimit, duke i cilësuar ato si pengesë për zhvillimin e vendit. Në një postim në rrjetet sociale, Basha tha se dosja “Çyrbja” dëshmoi sesi zgjedhjet e vitit 2021 u manipuluan nga bandat, të cilat, sipas tij, përcaktuan edhe listat e kandidatëve të Partisë Socialiste.

Kryetari i Bashkisë Tiranë, Erion Veliaj me anë të një reagimi në Facebook i është përgjigjur akuzave të Berishës, duke e quajtur një 'hienë të ndyrë', që nxjerr pisllëqe nga goja. Kjo pasi kreu i PD-së tha dje, se agjentët e BKH gjetën tek qendra Harabel në pronësi të bashkëshortes së kryebashkiakut të Tiranës, 230 mijë euro.

Ambasada amerikane në Tiranë ka uruar kreun e SPAK, Altin Dumani pasi u shpall kampion kundër korrupsionit për vitin 2024. Në një postim të bërë, ambasada shkruan se SHBA do vijojë të punojë me SPAK.

Kreshnik Spahiu e cilësoi mbështetjen e SHBA-së ndaj SPAK dhe kreut të saj, Altin Dumani, si një përforcim të qartë të pozicionit amerikan ndaj institucionit. Ai vlerësoi lavdërimin si një mesazh mbështetjeje, por shprehu skepticizëm mbi rolin e Ramës në promovimin e Dumanit, duke rikujtuar përplasjet e mëparshme mes Ramës dhe SHBA-së mbi emërimin e tij.

Në Shqipëri janë shënuar disa hapa para në rregullimin e kuadrit ligjor për financimin e partive politike dhe fushatave zgjedhore, por organizatat ndërkombëtare që monitorojnë proceset zgjedhore dhe ekspertë të fushës mendojnë se ato janë të pamjaftueshme

Gazment Bardhi, gjatë vizitës në Britani, diskutoi me deputetët Martin Vickers dhe Stephen Gethins mbi nevojën për zgjedhje të lira, një sistem drejtësie të pavarur dhe adresimin e largimeve masive të shqiptarëve.

Një nga themeluesit e Partisë Demokratike, ish-deputet, arkeologu Neritan Ceka, bën një analizë të 34 viteve pluralizëm në Shqipëri. Ceka për Report Tv: Shqipëria sot nuk është ajo që Lëvizja Studentore e Dhjetorit 1990 projektoi politikisht.  

Spartak Ngjela theksoi në 'Studio Live' se SHBA mbështet SPAK në luftën kundër korrupsionit, duke siguruar ekspertizë dhe burime. Ai kritikoi ashpër mosbindjen civile të PD-së, duke e quajtur një akt që cenon shtetin dhe shoqërinë. Ngjela vlerësoi se proceset ndaj korrupsionit janë të ndërlikuara, por tashmë në duar të sigurta.

Ngjarjet e 8 Dhjetorit dhe krijimi i PD janë ende pjesë e një debati të gjerë mbi atë se sa spontane dhe të vërteta ishin ato, si dhe se kush ishin aktorët kryesorë. Përshkrimi i Merkoçit dhe Meçes sugjeron se një pjesë e ngjarjeve ishin të parashikuara dhe të planifikuara, ndërsa Elezi thekson sakrificën dhe idealet e studentëve.

Nga

Esiona Konomi

KQZ është drejt finalizimit të aplikacionit PER, në të cilin do të regjistrohen emigrantët për të votuar nga jashtë. Regjistrimet do të hapen në 11 janar dhe do të vazhdojnë deri në 11 mars. Qytetarët duhet të regjistrohen me pasaportë ose kartë identiteti dhe u duhet patjetër një dokument që vërteton se ata banojnë në adresën që kanë deklaruar.

Partia Demokratike e Vlorës ka reaguar sot për të denoncuar, siç e quajti ajo, një abuzim flagrant me paratë publike dhe në një “aferë të pastër korruptive”. Bëhet fjalë për dy TEC-et e lëvizshëm në Vlorë dhe për të cilët u deklarua se paguhen 60 mijë dollarë në ditë nga KESH te kompania private.