Bota

Kompania Meta, që ka në pronësi Facebook-un, është gjobitur me një shifër rekord prej 1.2 miliard eurosh, për shkak të transferimit të të dhënave të përdoruesve të Bashkimit Evropian në Shtetet e Bashkuara. Ky transferim i të dhënave është bërë në kundërshtim me një vendim paraprak gjyqësor, tha rregullatori në Irlandë më 22 maj.

Lideri i Forza Italia, Silvio Berlusconi flet pas 45 ditësh shtrimi në spital. Në një intervistë për median italiane ‘Corriere della Sera’, Berlusconi ka folur për ditët që ka kaluar në spital, ndërsa një falënderim të veçantë ka për bashkëshorten e tij Martën

Gjatë samitit të G7 në Hiroshima, teksa zbriste nga foltorja për t'u bashkuar me liderët e tjerë botërorë, Biden për pak sa nuk është rrëzuar nga shkallët.

Fluturimet që i shërbenin qytetit lindor të Sicilisë, Catania, u ndaluan të dielën pasi një shpërthim nga mali të vullkanit Etna. Hiri vullkanik që doli pas shpëthimi përfundoi në pistat e aeroportit duke e bërë të pamundur lëvizjen.

Para se të vdiste, Jeffrey Epstein kërcënoi se do të ekspozojë Bill Gates për një lidhje jashtëmartesore me një ‘dealer’ ruse kur ishte rreth të 20-ave, thonë disa reporte për të dënuarin amerikan, i cili vrau veten në burg në vitin 2019 pasi u dënua për pedofili.

Ekipet e emergjencës po vijojnë operacionet në Emilia Romania, të goditur nga përmbytjet e javës që shkoi. Deri tani janë kryer mbi 5 mijë ndërhyrje për t’u ardhur në ndihmë banorëve të zonave, ndërsa të angazhuar në terren janë  879 punonjës të shërbimit zjarrfikës. Kryeministrja Giorgia Meloni që vizitoi Emilia Romagnën premtoi mbështetje për të kaluar situatën e vështirë.

Një 25-vjecar shqiptar i dënuar me dy vite burg për drejtimin e një shtëpie publike që dyshohet se frekuentohej nga VIP-at, i ka shpëtuar dëbimit nga Britania e Madhe pasi gjykata e përshkroi atë si një njëri të zgjuar dhe punëtor.

11 shqiptarë të dënuar për vrasje në Britaninë e Madhe do të jenë të parët që do të kthehen në Shqipëri për ta vajtuar dënimin në vendin tonë, pas marrëveshjes mes dy qeverive. Media britanike ‘The Sun’ shkruan se mes 11 të dënuarve është edhe shqiptari Koçi Selmanaj i dënuar për vrasjen e një mësueseje në Londër.

Megjithë inflacionin e lartë qytetarët në Gjermani nuk duan të heqin dorë nga pushimet as këtë verë. Destinacioni më i preferuar i gjermanëve vazhdon të mbetet Spanja

Për vite me radhë, miliarderi i lidhur me Kremlinin, Yevgeny Prigozhin, operoi kryesisht nën hije, duke krijuar pasuri përmes kontratave qeveritare në fushën e gastronomisë dhe kontratave të tjera. Po ashtu, në mënyrë diskrete drejtoi një ndërmarrje për lajmet e rreme në Shën Petersburg, që udhëhoqi përpjekjet e Moskës për të ndikuar në zgjedhjet e huaja

Një sulm ka ndodhur ditën e sotme në rajonin e Belgorodit në Rusi, ku disa tanke kanë bombarduar ndërtesa të shumta. Lidhur me sulmin ka reaguar edhe Rusia, që e ka konsideruar si një përpjekje të ukrainasve për të hequr vëmendjen nga Bakhmuti që sipas tyre është tashmë nën kontrollin e tyre.

Policia gjermane po heton helmimin e mundshëm të mërgimtarëve rusë pasi një gazetar dhe një aktivist raportuan probleme shëndetësore pas një takimi të disidentëve në Berlin, tha të dielën një zëdhënës i policisë.

Banorët e Kartumit thanë se sulmet ajrore dhe përleshjet midis fraksioneve ndërluftuese të Sudanit vazhduan në kryeqytet, pasi një marrëveshje e ndërmjetësuar nga Arabia Saudite dhe Shtetet e Bashkuara për një armëpushim një-javor nxiti shpresat për ndëprerje të luftimeve.

Pas një viti përballje, luftës në Ukrainë nuk po i duket fundi. Miliona civilë kanë humbur të afërm dhe familjarë, shumë të tjerë nuk po kthehen ende në vendin  e tyre, ndërsa të tjerë janë të detyruar të jetojnë pa ushqim, ujë apo energji elektrike.