Kosova & Rajoni

12 zyrtarë të shtetit janë arrestuar dje në Kosovë nën dyshimet për keqpërdorim të detyrës dhe marrje/dhënie të ryshfetit, pas një aksioni që ka realizuar Policia e Kosovës në tri lokacione të ndryshme.

Një zyrtare e lartë e Departamentit të Shtetit tha për Zërin e Amerikës se Shtetet e Bashkuara janë të përkushtuara për të punuar me Bashkimin Evropian, që po bën të mundur dialogun mes Serbisë dhe Kosovës. Komentet e zëvendës ndihmës sekretares së Departamentit të Shtetit për Çështjet Evropiane dhe Euroaziatike, Molly Montgomery vijnë ndërsa udhëheqësi i lëvizjes Vendvendosje Albin Kurti pritet të jetë kryeministri i ardhshëm i Kosovës pas fitores së partisë së tij në zgjedhjet e 14 shkurtit.

Qeveria në detyrë e Kosovës ka emëruar Agim Krasniqin si ministër të Financave, i cili do të qëndrojë në detyrë deri në krijimin e kabinetit të ri.  Agim Krasniqi ka shërbyer si zëvendësministër në Ministrinë në detyrë të Financave.

Në një kohë kur i gjithë globi po përballet me vështirësi të shumta për të siguruar vaksinën antiCOVID , Serbia është i vetmi vend në Evropë ku qytetarët mund të zgjedhin lirshëm se cilën vaksinë duan të marrin.

Numri i infektimeve në Kosovë vazhdon të rritet me hapa galoponte. Gjatë 24 orëve të fundit kanë rezultuar pozitiv me koronavirus 461 qytetarë dhe janë raportuar 3 viktima.

Zgjatja e karantinës në Athinë të Greqisë duke sikur nuk po funksionon pasi numri i infektimeve me COVID-19 po rritet vazhdimisht. Ditën e djeshme është shënuar një rekord infektimesh, 2,147 raste, një shifër e cila ka pa u shënuar që prej 2 dhjetorit të vitit 2020.

Ministri i Shëndetësisë, Venko Filipçe në vendkalimin kufitar “Tabanoc” ka pranuar dërgesën e dytë nga gjithsej 8 mijë doza të vaksinës Pfizer që janë siguruar nga Serbia.

Me 50 vota për, dhjetë kundër dhe nëntë abstenime, Komisioni për politikë të jashtme i Parlamentit Evropian ka miratuar raportin për Kosovën të përgatitur nga Viola Von Cramon-Taubadel, deputete e të Gjelbërve nga Gjermania.

Një natë makthi mes flakëve kanë jetuar refugjatet në kampin e Thivës në Greqi, pasi shpërtheu një zjarr në një prej ndërtesave.

Departamenti amerikan i Shtetit i tha Zërit të Amerikës se deri tani ka siguruar vetëm 23 për qind të dozave të kërkuara të vaksinës kundër COVID-19 për diplomatët amerikanë.

Mjeku Ramadan (Feriz) Sopaj në fshatin Janqishtë, Komuna e Malishevës Kosovë është shpallur në kërkim, për ngacmim seksual. Ai është dënuar për ‘keqpërdorim seksual i personave nën moshën 16 vjeç dhe sulm seksual’.

Politikani serb në Kosovë, Nenad Rashiç, ka organizuar një konferencë për media për të folur për dhunimin e djalit të tij nga një grup personash në Llapnasellë të Graçanicës. Ai tha se Nikolla, djali i tij, ka pësuar lëndime të trupore si: prerje të buzëve, thyerje të dhëmbëve e gjakderdhje të madhe dhe gjatë së cilës ai theksoi edhe njëherë se sulmi ka qenë i organizuar politikisht.

Zëdhënësi i Komisionit Qendror të Zgjedhjeve në Kosovë Valmir Elezi, në një konferencë të mbajtur më herët për media ka bërë të ditur se është duke vazhduar procesi i vlerësimit të pakove të supozuara me fletëvotime nga jashtë vendit dhe rinumërimi i disa vendvotimeve.

Në Kosovë gjatë 24 orët e fundit kanë rezultuar me koronavirus 368 persona dhe janë raportuar 4 viktima.

Gjykata Penale e Shkupit ka dënuar me burgim të përjetshëm Alil Demirin si dhe vëllezërit Agim dhe Afrim Ismailoviç të akuzuar për vrasjen e pesë maqedonasve, më 12 prill 2012, pranë liqenit të Smillkovës, rreth 12 kilometra nga Shkupi. Dy të akuzuarit e tjerë Fejzi dhe Haki Aziri, gjykata i dënoi me 15 dhe nëntë vjet burgim.

Lideri i Vetëvendosjes Albin Kurti, i cili pritet ta formojë qeverinë e Kosovës, thotë se dialogu me Serbinë nuk është prioritet i tij. Por BE-ja dhe SHBA-ja kërkojnë nga qeveria e re të hyjë në dialog me Serbinë.

Bisedimet diplomatike midis Turqisë dhe Greqisë, po dëmtohen sërish nga sjellja e papërgjegjshme e Turqisë, raportojnë mediat greke.

Djali i politikanit serb në Kosovë, Nenad Rashiç, është rrahur dje nga rreth 30 persona, teksa po dilte nga shkolla në Llapnasellë të Graçanicës. Sipas policisë, viktima ka pësuar lëndime trupore dhe është dërguar për trajtim në Spitalin e Graçanicës. Për këtë rast, deri tash janë arrestuar shtatë të dyshuar.