Bota

Vepra artistike e Luke Jerram-it, e cila quhet Gaia, do të shfaqet si pjesë e Festivalit të Krijimit të Thesarit të Bath. Me një diametër prej shtatë metrash, Gaia paraqet imazhe të detajuara të NASA-s të sipërfaqes së Tokës.

Lituania, një vend që ndjehet i kërcënuar nga Rusia, ka paralajmëruar prej disa dekadash për mundësinë e agresionit rus ndaj fqinjëve të saj. Tani lituanezët janë të shqetësuar se ajo që po ndodh në Ukrainë mund të ndodhë edhe në Lituani. Korrespondenti i Zërit të Amerikës Ricardo Marquina njofton nga kryeqyteti i Lituanisë, Vilnius, se banorët e Lituanisë po vazhdojnë përpjekjet për të mbështetur vendin e tyre.

Tensionet janë të larta përgjatë kufirit Poloni-Bjellorusi pas futjes në hapësirën ajrore polake të dy helikopterëve bjellorusë. Ushtria polake ka vendosur trupa shtesë dhe helikopterë luftarakë pranë kufirit, ndërsa shtohen zërat mbi mundësinë e një inkursioni ushtarak.

Ushtria e re e Nigerit, junta, i ka kërkuar ndihmë grupit mercenar rus, Wagner, pasi po afrohet afati i fundit për ta liruar presidentin e rrëzuar të Nigerit, apo për t’u përballur me ndërhyrje ushtarake nga blloku regjional i Afrikës Perëndimore, sipas një analisti.

Ish-kryeministri i Pakistanit, Imran Khan, është dënuar me tri vjet burgim të shtunën, nën akuzat për korrupsion, të cilat i mohon.

Ndonëse në mes të verës, qyteti Reutlingen në Gjermani është përfshirë nga një stuhi e pazakontë, e cila shkaktoi edhe përmbytje.

Manhatani u përfshi në kaos pasi një influencer filloi të shpërndante pajisje të playstation 5 në Union Square Park.

Më shumë se gjysma e refugjatëve janë të punësuar gjashtë vjet pas mbërritjes në Gjermani, tregon një studim i ri. Si është gjendja aktuale? Për Herbert Bricker, rezultati i hulumtimit është jashtëzakonisht pozitiv: më shumë se gjysma e refugjatëve të intervistuar nga ai dhe kolegët e tij ishin të punësuar në vitin 2021.

Të paktën 11 persona kanë vdekur dhe 25 të tjerë janë zhdukur, si pasojë e rrëshqitjes së tokës në qytetin turistik, Shovi, në Gjeorgji.

“Kontrabanduesit e njerëzve po fitojnë para dyfish, duke sjellë emigrantë të paligjshëm në Britani dhe duke ndihmuar kriminelët e kërkuar, përfshirë edhe vrasës që të arratisen. Shqiptarët po reklamojnë me paturpësi oferta udhëtimi, përmes kamionëve për njerëzit që kanë probleme dhe duan të largohen sa më shpejt nga Anglia”. Kështu nis një shkrim i gjatë investigativ i tabloidit britanik “Daily Mail”.

Pas portit të Novorossiysk , shpërthime të fuqishme janë raportuar në orët e para të mëngjesit të sotëm pranë urës së Krimesë, ku sipas mediave lokale objektiv i sulmit ka qenë qyteti i Kerçit. Një cisternë ruse me 11 anëtarë të ekuipazhit është goditur nga dronët ukrainas në Detin e Zi.