Bota

Një person i armatosur vrau shtatë persona përpara se të arrestohej në Kaliforni të hënën, vetëm dy ditë pasi të shtënat morën 11 jetë në një sallë vallëzimi popullor.

Qeveria e Francës prezantoi të hënën një projektligj, që parasheh ndryshime të mëdha në sistemin e pensioneve. Për më tepër, ato do të rrisin moshën e pensionimit nga 62 në 64 vjeç. Sindikatat nuk janë të kënaqura dhe më shumë se një milion njerëz protestuan javën e kaluar kundër kësaj mase.

Autoritetet iraniane kanë arrestuar tre gazetare femra në dy ditët e fundit, thanë mediat lokale të hënën, mes muajsh protestash të shkaktuara nga vdekja në paraburgim e Mahsa Amini.

Rusia ka dërguar dhjetëra mijëra trupa të reja për të forcuar linjat e frontit në Ukrainë gjatë muajve të fundit. Kështu ka deklaruar një zyrtar i lartë ushtarak amerikan.

Kryeministri japonez Fumio Kishida foli me terma të dëshpëruar për shkallën e ulët të lindjeve në vend në një fjalim në parlamentin e vendit të tij të hënën.

176 fëmijë shqiptarë të cilët ndodheshin në hotelet e Britanisë së Madhe ku po kërkonin azil, janë zhdukur. Lajmin e bërë të ditur ministri i Brendshëm britanik, Simon Murray gjatë një deklarate para Dhomës së Lordëve. Në shifrat e dhëna, Murray tha se në total 200 fëmijë azilkërkues ishin zhdukur dhe siç u theksua më sipër, pjesa më e madhe e tyre janë shqiptarë.

Karabinierët italianë kanë arrestuar Andrea Bonafede-n, topografin i cili dyshohet se i ka dhënë borxh identitetin e tij bosit Matteo Messina Denaro.

Ish-zyrtari i lartë i kundërzbulimit në zyrën në terren të FBI-së në Nju Jork është arrestuar dhe akuzuar për shkelje të sanksioneve të SHBA-së ndaj Rusisë dhe pastrim parash, shkruajnw mediat e huaja.

Një burrë 26-vjeç thotë se ishte duke filmuar protestat në Paris kundër reformave të pensionit, kur një polic e goditi me shkop në organin gjenital dhe i ka lënë pasoja. Ai madje do ngrejë padi për këtë veprim të policëve dhe e ka të faktuar me anë të xhirimeve që po bëjnë xhiron në rrjet.

Një 20-vjeçar shqiptar është arrestuar pasi u kap në flagrancë dhe iu gjetën 200 bimë kanabisi me një vlerë të vlerësuar deri në 177,000 £ në një pronë në qendër të qytetit. 20 vjeçari shqiptar quhet Din Truni  dhe u arrestua të shtunën pasi iu gjetën dhe sekuestruan bimë dhe pajisje kultivimi në Workington, Cumbria.

Presidenti i Turqisë, Erdogan ka thënë ditën e sotme se Suedia nuk duhet të presë mbështetje për anëtarësim në NATO pas protestave të fundjavës në Stokholm nga një aktivist anti-islamik dhe grupe pro-kurde.

Bandat shqiptare kanë nisur fushata reklamimi në rrjete sociale si Tik Tok ku ofrohen udhëtime me avionë drejt Brianisë së Madhe në këmbim të 18 mijë paundëve për person, duke u siguruar plotësisht kalimin. 

Pas veprimit të Rusisë për të dëbuar ambasadorin e Estonisë nga vendi, Talini i është përgjigjur duke bërë të njëjtën gjë. Estonia lajmëroi dëbimin e ambasadorit Rus në Talin, duke argumentuar se marrëdhëniet diplomatike mes dy vendeve janë shkatërruar.

Gjigandi suedez i transmetimit të muzikës Spotify lajmëroi se do të shkurtojë 6% të stafit, pra rreth 10,000 punonjësve, duke përmendur nevojën për të përmirësuar efikasitetin.

Temperatura minimale në Mohe, qyteti më verior i Kinës, ra në minus 53 gradë Celsius të dielën, duke shënuar temperaturën më të ulët të regjistruar ndonjëherë, sipas byrosë lokale të motit.