Ekonomi

Nga

Eliza Gjediku

Administrata Tatimore ka nisur hetim ndaj 100 individëve dhe bizneseve që kanë fituar 33 milionë euro nga platformat online dhe nuk i kanë deklaruar. Tatimet apelon për deklarim sa më shpejt, në mënyrë që ti shpëtojnë një hetimi të thelluar, dhe penalitetet e tjera.

Nga

Marsela Topi

Vetëm 30 lekë për kilogram, ky është çmimi që po i detyron fermerët në zonën Topojë-Seman të Fierit të braktisin kultivimin e grurit. Sipërfaqet e mbjella janë në rënie për shkak të kostos së lartë dhe çmimit pa leverdi.

Nga

Eliza Gjediku

Mungesa e shirave shton kostot për furnizimin me energji. Korporata Elektroenergjetike Shqiptare ka blerë 57.2 milionë euro energji elektrike vetëm për gjashtëmujorin e parë të vitit, ose 5 herë më shumë se vjet. Për shkak të thatësirës dhe rënies së prodhimit janë importuar nga jashtë 453 mijë megavat energji

Nga

Eliza Gjediku

74% e strukturave akomoduese në vend ka refuzuar të zbatojë referencën e vendosur nga qeveria për shfrytëzimin e kapacitetit të tyre në verë. Shifrat zyrtare të Ministrisë së Turizmit tregojnë se nga 1422 aplikime të bëra deri më tani, vetëm 370 hotele kanë pranuar të zbatojnë referencat, ndërsa pjesa tjetër do të përballen me kontrolle nga administrata tatimore. Vetëm 1 në 6 pushues të huaj fle në to

Tirana ka avantazhin që ka një përqindje më të madhe të zënies gjatë gjithë vitit, ndryshe nga bregdeti, ku kërkesa më e lartë është në muajt e verës. Kryeqyteti kishte një normë zënieje prej 53% si mesatare e 2024-s, ose gjysmën e muajit, përkundrejt 40% të Vlorës dhe 42% në Durrës.

Nga

Eliza Gjediku

Në tremujorin e parë të këtij viti, në pragun e fushatës elektorale, detyrimet e prapambetura të ministrive dhe bashkive në vend arritën në 94 milionë euro, me një rritje me 21 milionë euro. Sipas raportit të Financave, borxhet më të mëdha të institucionet qëndrore e vendore lidhen me mungesën e lukuidimit të investimeve ndaj privatit.

Korporata e Investimeve Shqiptare (AIC) dhe Ministria e Financave e Mbretërisë së Spanjës, përmes Drejtorisë së Përgjithshme të Pasurive Shtetërore, kanë nënshkruar sot një Memorandum Mirëkuptimi që synon forcimin e bashkëpunimit në fushën e menaxhimit strategjik të pasurive publike dhe shkëmbimin e përvojave ndërmjet dy vendeve.

'Studio Live' me ekspertin e ekonomisë Eduart Gjokutaj. A do ndikojë për mirë kthimi i IPARD në Shqipëri dhe çfarë duhet të kishte bërë apo të bëjë Qeveria? Ku u gabua me fermerët dhe masat që duhet të merren për të përfituar fondet e BE-së. Pse mungesa esubvencioneve ndikon edhe te tregu i çmimeve. Eksperti sugjeron që çmimet të vendosen nën një pakt të ri, problem informaliteti

Nga

Joana Preja

Të huajt po promovojnë Shqipërinë përmes videove në rrjetet sociale. Me hashtagun “Albania is calling” (Shqipëria po të thërret), të rinj nga mbarë bota ndajnë përvojat e tyre që nga mbërritja në aeroport, plazhet e jugut, deri te ecjet në Alpet shqiptare.

Qytetarët shqiptarë, ndonëse paguhen më pak në Europë, me rreth 41% të mesatares europiane, sipas fuqisë blerëse, shumë grup mallra i blejnë deri në 50% shtrenjtë se në Europë në vitin 2024, sipas indeksit krahasues të Çmimeve të Konsumit të publikuar nga Eurostat.

Nga

Eliza Gjediku

Ende nuk ka një dritë jeshile nga Komisioni Evropian për të çelur fondet e IPARD për Shqipërinë, që janë të bllokuara prej 2 vitesh. Delegacionet e BE, KE dhe IPARD kanë mbërritur në Tiranë, ku janë njohur me masat e marra nga institucionet shqiptare për mbrojtjen e fondeve, por nuk është dhënë asnjë informacion se ç’do të ndodhë me IPARD III, me vlerë 112 milionë euro.

Gazetarja Dorina Azo foli në "Studio Live" për të dhënat më të fundit në sektorin e çmimeve të produkteve të shportës dhe trendin rritës të tyre. Shqipëria me çmime si Portugalia dhe Italia, kurse Kosova dhe Maqedonia kanë çmimet më të ulëta. Qumështi, veza, djathi dhe pijet alkoolike pësuan rritje, vetëm duhani me ulje. Domonojnë produktet e importit, as zhvlerësimi i euros nuk ndihmoi

Qendra Kombëtare e Biznesit u ka rikujtuar të gjitha subjekteve tregtare rëndësinë e depozitimit në kohë të pasqyrave financiare për vitin 2024. Sipas njoftimit, dorëzimi brenda afatit ligjor është i detyrueshëm dhe shmang masat administrative.

Nga

Eliza Gjediku

Fermerë e biznese të sektorit të bujqësisë do të mund të marrin kredi të butë me shtetin garant. Qeveria do japë 30 milionë euro garanci sovrane për këtë sektor, ndërsa interesi për kreditë pritet të jetë deri 2%.

Çmimet në Shqipëri po rriten shumë shpejt, duke e ngushtuar gjithnjë e më shumë hendekun me BE. Sipas të dhënave të Eurostat, niveli mesatar i çmimeve në vendin tonë ishte sa 62.9% e mesatares së BE-së, nga 58.2% që ishte ky nivel, më 2023 dhe 54.6 në vitin 2022.

Shqipëria është renditur e para në botë për qëndrueshmërinë energjetike, sipas raportit të fundit të World Economic Forum. Vendi ka lënë pas shtete si Suedia, Franca dhe Zvicra, duke u vlerësuar për performancën në përdorimin e burimeve të rinovueshme dhe ndikimin e ulët mjedisor.

Nga

Eliza Gjediku

Rregullat për të marrë fondeve nga bashkimi Evropian do të shtohen nga Brukseli në muajit në vijim. Lajmi u bë i ditur nga përfaqësues të KE në Tiranë, teksa u diskutua për 41 milionë euro investime që do të bëhen në kuadër të lidhjes rajonale të Adriatikut Jugor.

Shqipëria ka vijuar të mbetet e fundit në Europë sa i përket të ardhurave për frymë të matura sipas fuqisë blerëse për mallra e shërbime, edhe në vitin 2024, pavarësisht se popullsia e vendit u reduktua me më shumë se 400 mijë persona, duke zbritur në 2.4 milionë banorë sipas censit të vitit 2023.

Nga

Eliza Gjediku

170 milionë euro është vlera e taksave të papaguara nga qytetarët dhe bizneset për mjetet që kanë në përdorim. Drejtoria e Shërbimit të Transportit Rrugor sqaron në Report TV se 256 mijë makinave u është bllokuar shërbimi, ndërsa situata më problematike është në Tiranë, Durrës, Shkodër dhe Fier.