Lajme nga emisionet

Kreu i Akademisë së Shkencave, Skënder Gjinushi tha se janë shtuar komisionet dhe njësitë e kërkim-studimit në Akademinë e Shkencave ndërsa theksoi se aktualisht janë pesë njësi të tilla, të cilat kanë një rol nxitës për kërkime.

Shqipëria është e palëkundur ndaj qëndrimit të saj në krizën mes Rusisë dhe Ukrainës. Duke qenë një vend anëtar i NATO-s, ish-ministri i Jashtëm Arjan Starova tha në Report Tv se vendi ynë është rreshtuar krah Ukrainës njëjtë si vendet që bëjnë pjesë në NATO.

Se çfarë pritet për raportet mes Shqipërisë dhe Ukrainës, ambasadori Shkurov deklaroi se marrëdhënie do të ketë në shumë aspekte ndërsa shtoi se dëshirojnë të bëjnë shkëmbim vizitash në nivele të larta.

Bashkëpunimi mes Sali Berishës dhe Lëvizjes Socialiste për Integrim nuk është një marrëdhënie e përhershme. Kështu ka pohuar anëtari i Kryesisë së LSI-së, Besnik Jakaj në emisionin ‘Repolitix’ në Report Tv. Jakaj theksoi se në politikë gjithçka është marrëdhënie interesi.

Bilal Kola në një intervistë të veçantë për Report Tv ka rrëfyer kalvarin që ka kaluar i ati, Kurt Kola për 46 vite në kampet e internimit, por edhe në burgjet e errëta të komunizmit. Ai tregon se Kurt Kola në vitin 1994 u dënua nga Partia Demokratike me 4 muaj izolim në shtëpi pasi ishte kreu i shoqatës që organizoi një grevë urie në atë kohë.

Paskal Semini, tregoi se nuk arritën të nominoheshin në 5-shen konkurruese të Oscar por pavarësisht kësaj, e quan një sukses të madh ndërsa tregoi detaje mjaft interesante, nga kostot e realizimit tek pretendimet që kishin si produksion. Pse qeveritë duhet të japin mbështetje për filmat, producenti theksoi se ai është mjeti më i drejtëpërdrejtë për të komunikuar, edukuar, argëtuar dhe për të promovuar një komb.

I pyetur se përse është për përjashtuar fjala ‘Partia Demokratike’ nga koalicioni ‘Shtëpia e Lirisë’, Celibashi deklaroi se PD është e regjistruar si subjekt zgjedhor dhe nuk rezulton që PD të ketë kërkuar për të qenë në koalicion me partitë e tjera. Për vonesat e mëhershme në shpalljen e rezultateve dhe procesin e numërimit, kreu i KQZ, tha se më 6 mars rezultati do shpallet brenda 48 orëve.

Rasti i zhdukjes së Selim Lloçja, nga fshati Labinot-Fushë i Qarkut të Elbasanit u denoncua pasditen e kësaj të mërkure në emisionin 'Pa Gjurmë' në Report TV nga i vëllai i tij Agim Lloçja. 33-vjeçari u largua nga banesa e tij më datë 1 shkurt, ndërsa pista e rrëmbimit është një nga pistat për të cilën dyshojnë familjarët.

Në një intervistë në emisionin “ Rreze dielli’’ në Report Tv logopedi Spiro Saqellari sqaroi dilemat e prindërve për belbëzimin tek fëmijët. 

Juristi Fabian Topollaj në Report Tv, duke folur rreth shkarkimit ose jo të presidentit nga Gkykata Kushtetuese, tha se Ilir Meta i “shpëtoi” herën e parë komisionit të Venecias, por këtë herë e ka të rënduar pozitën, pasi është përfshirë politikisht, një gjë që sipas tij është kategorikisht e ndaluar për përfaqësuesin e unitetit të popullit

Ish-deputeti Halit Valteri thotë me bindje se Ilir Meta nuk do ta përfundojë mandatin si President. Në studion e emisionit 'Repolitix' të gazetarit Denis Minga, Valteri tha se Meta ka shkelur Kushtetutën, ndërsa për deklaratat e tij 'do më vrasin te Mali me Gropa', deputeti u shpreh se ai i bëni pasi kalon normën e alkoolit.

Anëtarja e kryesisë së PD-së, Tualnta Jupi tha në Report Tv se vota për kandidatët e Berishës është një votë që shkon për të mbajtur në pushtet Edi Ramën. Nga ana tjetër, ish-deputetja e LSI-së, Floida Kërpaçi thotë se  ‘Shtëpisë së Lirisë’ do të luftojë që të çlirojë bashkitë që janë të kapura nga regjimi i Edi Ramës dhe tu rikthejnë atyre legjitimitetin.

Avokati Maks Haxhia theksoi se trupa gjykuese që dënoi Tahirin ka qenë e ndikuar dhe nën presion për ta dënuar atë me burg. Ai nuk dha emra, por shprehu me bindje se ka qenë një grup apo një individ që ka ndikuar për të dënuar me burg Tahirin, me qëllim njollosjen e figurës së tij.

Ambasadori i Turqisë në Tiranë, Murat Ahmet Yoruk tha se FETO kërcënon seriozisht marrëdhëniet mes dy vende, ndërsa kërkoi nga Shqipëria që si mik dhe vëllai i Turiqisë të marrë masa ndaj tyre. Një koment ambasadori e pati edhe për koincidencën që vizita e presidentit turk Erdogan në Tiranë  më 17 janar që përkoi me 554 vjetorin e vdekjes së Skënderbeut.