Kronikë

Jemi mësuar të shohim të anasjelltën por edhe anglezët kanë filluar të vijnë në Shqipëri si turistë për të shitur drogë në jug. Dy anglezët Stephen Richards dhe Richards Deacon kanë rënë në pranga ndërsa bashkëpunëtori i tyre po prapë anglez është shpallur në kërkim pasi shisnin kokainë dhe ekstazi në Dhërmi e Himarë.

Një vajzë 25-vjeçare është vënë në pranga nga policia e Tiranës pasi mbante me vete lëndë narkotike dhe ekstazi.

Edhe dy persona të tjerë të përfshirë në korrupsionin në Ministrinë e Shëndetësisë u arrestuan me urdhër të SPAK. Pas prangosjes së sekretares së përgjithsme dhe specialistes, administratori i kompanisë, 'DRICONS’, Vladimir Topi dhe inxhinieri Silvi Shehi u arrestuan pasi kanë dhënë paratë për fitimin e tenderit.

Një ditë pas lajmit tronditës se 24-vjeçari, Albi Muhollari mbyti të ëmën e tij me qese plastmasi, fqinjët përreth janë prononcuar për mediat.

Një 20-vjeçar është arrestuar nga policia e Laçit mesditën e sotme, për shkak se kishte përshtatur ambientet e lokalit të marrë me qira për të organizuar veprimtari të lojërave të fatit.

Një 28-vjecar është vënë në pranga pasi dyshohet se në bashkëpunim me një person tjetër, i cili është shpallur në kërkim ka kultivuar 116 fidanë kanabis, të cilët u gjetën gjatë kontrollit në disa fshatra të Malësisë së Madhe.

Mbi 50 banorë të fshatit Gjoricë në Bulqizë janë paraqitur në qendrën shëndetësore me simptoma helmimi. Shkaku kryesor i helimit dyshohet të jetë bërë uji i pijshëm që furnizohet zona, ndërsa Report Tv ka mësuar se sipas analizave paraprake laboratorike, uji ka dalë i kontaminuar. Simptomat janë diarre e vjellje.

Dy drejtuesit e mjeteve që u aksidentuan një ditë më parë në fshatin Bërxullë ku si pasoje e humbi jetën një fëmije 10 vjeç, u arrestuan ndërsa njëri prej tyre rezultoi i dehur. Ky mendohet se ka qenë shkaku I aksidentit ku njëri prej mjeteve pas përplasjes përfundoi brenda në lokalin buzë rrugës ku ishte ulur viktima.

Policia ka bërë bilancin për muajin maj 2023. Në një njoftim për mediat bën me dije se për një muaj janë arrestuar 112 drejtues mjetesh, janë pezulluar 624 leje drejtimi dhe janë kapur 68 persona të shpallur në kërkim për vepra të ndryshme penale.

Një 22-vjeçar me detyrë zjarrfikës, është vënë në pranga nga uniformat blu pasi këta të fundit i gjetën 13 doza kokaine në makinë dhe një armë pa leje në shtëpi.

Një shtëpi është përfshirë nga flakët në qytetin e Vlorës. Si pasojë e zjarrit, është shkrumbuar gjithçka ndodhej brenda shtëpisë.

Një ngjarje e rëndë ka ndodhur mbrëmjen e kësaj të shtune në Përmet, ku një 68-vjeçare e identifikuar si Zeniat Muhollari, është mbytur me plastmas nga djali i saj 24 vjeç, i cili dyshohet se ishte në gjendje depresioni.