Kronikë

Një aksident i rëndë ka ndodhur këtë të diel në rrugën e Elbasanit në Tiranë, pranë Fakultetit Ekonomik ku është përmbysur një autobus i linjës së Lundrës. 

Bosi turk i kriptomonedhave, Faruk Fatih Ozer ka bërë rekurs në Gjykatën e Lartë vendimit të Apelit të Durrësit për ekstradimin e tij. Pas u shty disa herë seanca, Apeli i Durrësit la në fuqi vendimin e Gjykatës së Shkallës së Parë për ekstradimin e tij, por Faruk Fatih Ozer ka bërë rekurs.

Katër alpinistë serb kanë rrëshqitur gjatë kalimit nga Valbona në Theth. Ata kanë marrë lëndime në trup. Në vendngjarje kanë mbërritur menjëherë efektivët e Forcës Ajrore, me dy helikopterët AB 206 dhe EC 135.

Kreu i grupit kriminal kinez Liangbin Chen i ka bërë rekurs vendimit të Gjykatës së Apelit në Tiranë që la në fuqi vendimin për ekstradimin e tij në Kinë. Liangbin Chen u arrestua në Tiranë, ndërsa ishte në kërkim ndërkombëtar pasi ka realizuar grabitjen me mashtrim kompjuterik me vlerë rreth 145 milionë euro.

Një makinë ka marrë flakë brenda parkingut të një pallati në rrugën ‘Ndre Mjeda’. Për pasojë e gjithë zona është mbuluar nga tymi i zi ndërkohë që kanë mbërritur edhe forcat zjarrfikësve.

Një 23-vjeçar pasi kishte thyer masën e sigurisë arrest shtëpie, është vënë në pranga në Tiranë pasi qarkullonte me armë pa leje në makinë, nga kontrolli në banesë iu gjetën edhe municion luftarak.

Një 57-vjeçar është ndaluar nga policia kufitare pasi, në çantën  e tij u gjetën 808 kartëmonedha dhe monedha koleksioni, të cilat u sekuestruan nga policia.

Një 53-vjeçar është arrestuar nga policia në Mallakastër pasi dyshohet se ka ngacmuar seksualisht një të mitur.

Tre efektivë të policisë janë konfliktuar pas mesnate në Tiranë. Shkak i këtij sherri dyshohet të ketë qenë gjendja e dehur e një prej policëve, i cili ka ofenduar punonjësin e “Shqiponjave”.

Banorët e Bërxullës paralajmërojnë se protestat e tyre do të marrin përmasa vetë flijuese teksa ndodhen prej 6 muajsh në rrugë kundër vlerësimit që u është bërë pronave të tyre nga ndërtimin i aksit Thumanë-Kashar. Pjesë e protestës ishin dhe fëmijë të cilët agjëronin.

Pas tentativës për grabitje me armë në Lushnje ditën e djeshme, është arrestuar 66-vjeçari Bukurosh Mukja. Ai bashkë me 2 të tjerë, Renato Çala e Florenc Tatoshi të cilët mbeten në kërkim kishin planifikuar vjedhje me armë në Lushnjë.

Dy persona u arrestuan në Tiranë, njëri që qarkullonte me makinë por që policia i kishte hequr përfundimisht patentën dhe një tjetër në gjendje të droguar. Arsen Hamollit policia i gjeti edhe një maskë dhe shkop si ato të policisë. Nga 317 patentat e hequra përfundimisht nga policia për shkelje të shumta, vetëm 31 kanë mundur të kalojnë provimin.

Të shtëna me armë zjarri u regjistruan gjatë orëve të natës në Tiranë, në drejtim të në një banese të pabanuar në zonën e Lundrës. Burime nga policia bëjnë me dije se nga është qëlluar kati i tretë i banesës, por për fat të mirë nuk ka persona të lënduar.

Dy aksidente rrugore janë regjistruar paraditen e sotme, një në Kurbin dhe një në Durrës. Aksidenti në Kurbin la pas një viktimë dhe një të plagosur, ndërsa tre të tjerë mbetën të plagosur në Durrës.

Një person humbi jetën dhe një tjetër u plagos rëndë në Kurbin, pasi automjeti më të cilin udhëtonin doli nga rruga dhe u përmbys në një parcele. Aksidenti ndodhi rreth orës 5 e 50 minuta të mëngjesit të së dielës në aksin e vjetër rrugor Laç-Mamurras, pranë fshatit Gjorm të Kurbinit.

Në Shqipëri, denoncimi i dhunës ndaj grave dhe vajzave po rritet dhe mbrojtja e tyre është bërë angazhim kryesor i organizatave për të drejtat e njeriut. Veprimtaret pohojnë se megjithë shtimin e denoncimeve, dhuna ndaj grave dhe vajzave është dukuri shumë e përhapur dhe pak e njohur.

Një 40 vjeçar nga kryeqyteti është vendosur nën hetim për shpërndarje  droge, mbasi një përdoruese kërkoi ndërhyrjen e policisë dhe e denoncoi se ai po i mbante peng të motrën.